زهرة الخريف

2012-02-23T15:27:00.000+02:00

غالباً ○◦..
ما يكون الواقع مختلفاً عن تخيُلنا أو ما حلمنا به ○◦..
ولكن ○◦..
نحب الواقع كثيراً فقط لتواجدهم به ○◦..
يارب لاتحرمني من وجودهم ♥

2012-02-22T01:23:00.002+02:00

عندما ○◦..
تجد الاهتمام من أُناس لا تنتظر منهم ذلك ○◦..
فحقاً ○◦..
يصعب نسيان الهُجران ممن كنت تنتظرهم ○◦ ..
ولكن○◦..
حينها يجب أن تكتمل الصورة اياً كان ^_^

علي الهامش:
أنا عارفة ان اللي هيقرا الكلام ده مش هيفهم حاجه
فــ دخلو من هنا وطلعو من الجنب التاني :D
مجرد هلاويس ..

شكراً ♥

2012-01-29T15:04:00.001+02:00

كُلمـــــــــا جلستُ وحدي ○◦

تجولت ذكرياتٌ في قلبي ○◦

فنبض قلبـي لك بـــ حُبي ○◦

وأراد أن يقل لكــــ ○◦

شكراً ♥

*_^

أُحبك ربي ♥

2012-01-19T15:11:00.000+02:00

اللهم لك الحمد ولك الشكر ♥ ..

يارب ارح كل من لي محبة في قلبه .. كما ارحتني يارب العالمين ♥♥

واسعدني بــ سعادة كل من يهمني أمره ويهتم لأمري ..

آمين يااااارب العالمين

2011-12-25T02:58:00.000+02:00

.. I Don't Want To Be Happy

2011-12-23T23:59:00.000+02:00

ده انتي بيتي و مطرحي معرفش لو تعرفي

اني انتي سكني الي بسكن لـيه وبرتاح ده قلبي صحي

بابه هو قلبك وعنيكي شبابيك بتخليني اشوف النور الي انا محتاج ليه

وانتي حياتي ودنيتي و ده املي و فرحتي

وانتي ساندي وقوتي وده زادي في رحلتي

وتعالي احنا بقينا لبعضنا كنا اتنين وهنبقا واحد طول عمرنــــــــــــا

2011-12-23T23:22:00.004+02:00

يارب ..
يارب اقدر له الخير وارضه به..

اخر التفانين .. زيتونة ^^

2011-12-06T12:40:00.000+02:00

هوايتي الجميلة

بقيت أحب اعمل عرايس قوي مش عارفه ليه

اللي قبل كده كانت وانا في 2 جامعة .. دي عروسة التخرج بقي ^^

واسمها زيتونة ... حتي شبة الزيتونة اهي .. أو شبه زيتونة اللي في باباي

الخامات:

- قماش ابيض للجسم

- قماش ملون للطقية واللبس والجزمة .. اي باقي قماش قديم او حاجه قديمة مش محتاجينها ^^

- شريط ستان للفيونكة

- لولي او أي حاجه للتزين

- خيط تطريز للعنين والبق

- خيط صوف للشعر

- زرار للمناخير^^

- فيبر للحشو

اسيبكم مع الصور بقي

هنا وهي بتدلع فوق اللاب..

رجل علي رجل مش اي عروسة بقي دي زيتوووووونة

صورة من ورا مهمه جدا طبعا

هنا بقي عشان تشوفو الفيونكة

اسمها زيتونة بس رومانسية جداااااا حتي ماسكة وردة اهي

Nice Day ♥_♥

2011-11-28T19:33:00.001+02:00

كاااااااااان يوم جميل انهاردة...
بقيلي كتير مخرجتش خروجة حلوة كده
بدايتها في لجنة الانتخابات..

حاجات غريبة بتحصل .. ناس من جوه اللجنة بتعد الاصوات وناس جاية تتنخب مبتعرفش تقرا بتعلم علي اي حد وخلاص"اعتقد مش هتفرق كتير^_^".. ومفيش ستاااااااير ليه بقي دي اهم حاجه :D

اخيرا جربت اقف في طابور بس كان صغنن الحمدالله ^_^
أحلي حاجه النظام :D

كان يوم جاااااااااااامد الحمدالله :)

عندي تعليق بقي:
انا عاوزة الحبر الفوشيا بتاع المرة اللي فاتت :(

ابداعات

2011-11-18T00:05:00.001+02:00

الجااااااااكيت ده فاكرينه ؟؟؟
خلص اخيرا انهاردة ... كنت قربت أنساه
ركبت الجيوب والاشكال ... وقلوب حمرا جامدة

وده صورته من قدام ^_^

هيبقي بتاع ابني أو بنتي ان شاء الله..

يارب

2011-11-13T23:29:00.001+02:00

يارب حقق حلمي ياااااارب..

اللهم ان كنت تعلم ان هذا الامر خير لى فى دينى و معاشى و عاقبة امرى فاقدره لى و يسره لى ثم بارك لى فيه ,و ان كنت تعلم ان هذا الامر شر لى فى دينى و معاشى و عاقبة امرى فاصرفه عنى و اصرفنى عنه و اقدر لى الخير حيث كان ثم ارضنى به..

زعتر وعنتر

2011-11-02T14:55:00.000+02:00

أول عيد أضحي من غير دراااااااااسة .. هيفرق ايه يعني ؟؟

اللي في الصورة ده شبه زعتر قوي

أيام وزعتر هيرووووووح خلاص وعنتر كمان..

والتدبيس في التنضيف هيبدأ

كل عام وانتم بخير..

عيد اضحي مبارك وسعيد عليكم وعلي الأمة الاسلامية ...

علي الهامش:

علي فكرة في 2 غيرهم .. توتة وفتفوتة

شكلي هبقي تاجرة معيز أد الدنيا فعلا

رب اشرح لي صدري ويسر لي أمري

2011-10-25T21:07:00.000+02:00

يا رب لا تجعلني سبباً في حُزن أبي و أمي ..

بحلم علي قدي

2011-10-13T15:04:00.001+02:00

بحلم علي قدي .. بشراع يعديني .. بشموع تدفيني .. بعيون تصون ودي

بحلم بنيل هادي .. بالضي نتهادي .. بنهار برئ عادي .. يفتح طريق نبضي

بحلم بسكتتنا .. بتغني غنوتنا .. ولا خوف يسكتنا .. ولا ريح تكون ضدي

بحلم بدنيانا .. شيلانا عشقانا .. للكل فرحانة .. مش ليا انا وحدي

بحلم علي قدي .. بشراع يعديني .. بشموع تدفيني .. بعيون تصون ودي

النور مكانه في القلوب..

2011-10-12T20:57:00.000+02:00

يا تكوووون أد الحيــــــــاة .. يا تعيش وحيــــــــــد وسط الدروب

بحب قوي الأغنية دي
ودي كمان قووووي

بحبك يا امي (k)

2011-10-02T16:32:00.002+02:00

بعد الحب ده ايه اللى تعمل كل ده تستاهل ايه

بعد الحب ده ايه اللى تدى حنان كده من غير حساب نبوس التراب اللى ماشيه عليه

بعد الام فى ايه دعوه حلوه فاتحه سكه مقفله

بعد الام فى ايه يهدى باله اللى فعياله الدنيا كلها مفتوحاله وراضيه عليه

اعملها تمثال اللى طيبه قلبها فوق الخيال

اعملها تمثال اللى سهرت واللى تعبت واللى ربت واللى شالت حمل جبال

لو هعملك ايه تستهلى 100 الف عيد ع اللى عملتيه

لو هعملك ايه مين فى تعبى سهر مانامشى مين فى اول مره بمشى سندت عليه

بعد اللى عملتيه اعمل ايه يوم فى اللى وصلتينى ليه

بعد اللى عملتيه من حنانك من سماحتك الجنه تحتك ده اللى ربنا قال عليه

امى ثم امى لحد آخر يوم فى عمرى حضن من اول حياتى وهمو همى بحبك يا امى اللى كتر خيرهها داب خيرها فى دمى وعايش بيه

عيد سعيد ان شاء الله :)

2011-08-29T22:50:00.003+02:00

كل عيد وانتم بخير :)

اعاده الله علينا جميعا بالخير واليمن والبركات ..

ده بتي فور علي فكرة .. شوية لعب كده .. مينفعش طبعا عيد من غير لعب

عشان تصلي لازم تروح بدري :D

2011-08-05T01:39:00.009+02:00

اكتب الموضوع ده انهارده رابع يوم رمضان .. واتمني ان باقي الايام يكون في تغييير يارب
رمضان السنه دي جميل قوي ... وأحد اسرار الجمال فيه الصلاة في المسجد..
قبل كده كل رمضان اللي فات كنت اروح اول يوم المسجد ومن الحر واللي بيحصل فيه مكنتش بروح تاني واصلي في البيت
السنه دي بقي عزمت علي اني أصلي في المسجد ان شاء الله رغم اللي بيحصل والحمدالله لغاية رابع يوم اهو ^_^
بتعجب من اللي بيحصل في المساجد .. ويكون سبب في ان ناس كتير مترحش المسجد !!
وخصوصا مصلي السيدات .. معرفش اذا كان كده عند الرجال برضه ولا لا .. بس معتقدش :D
اكتر حاجه تضايق فعلا الاطفال اللي بيجبوهم معاهم دول .. وتاني حاجه الكلام والرغي ده حرااااااام عليهم
انهارده وكل يوم .. إمام المسجد .. يتكلم عن الموضوع ده وبرضه مفيش فايدة .. وصلت لدرجه انه يقول كل واحده تسكت نفسها ولا كأنه بيتكلم برضه ... ويقول في المايك اللي بنتها بتعيط تسكتها .. واللي معاه طفل احسن يصلي في البيت لو مش هيقدر يجي من غيره

زي ما يكون مكان بيجو فيه عشان يسلمو علي بعض ويقعدو يتسهرو ويحكو القديم والجديد "حبكت يعني :D"
والمشكله انهم ستات كبار .. عيب عليهم حد يقولهم اسكتو وبرضه مفيش فايده
اللي يضحك بقي .. ان واحده منهم بعد ما الامام يقول كده تروح قايله عيب كده يا جماعه واسكتو وميعديش دقيقه واحده وتكون هي بتتكلم مع اللي جنبها ودودود "كنت مركزه معاها :D"
مش المفروض نركز مع الإمام في حديثه ولا ايه ؟؟

واحده جايبه معاها بنتها وعماله تلعب معاها و طول الصلاه عمالة تزن عاوزة مصاصة .. واوحش حاجه بقي ان البت مش عاجبها غير قدامي وتروح قاعدة .. اعرف أسجد و أصلي منها ازاي بقي ولا اركز في الصلاة ...!! :(
فين الخشوع والتركيز في الصلاة :( ؟؟
لولا روح المسجد اللي بحبها وثواب صلاة الجماعة كنت صليت في البيت !!

حاجه كمان الناس اللي رايحه تصلي دي تحس انها رايحه تتخانق مش تصلي عشان تلاقي مكان تصلي فيه وتزيح الناس دون اي اعتبار ليهم "دي ناس رايحه تصلي !!"... فين التسامح وروح رمضان ؟؟
توصل انهم يفكرو يقفلو مصلي السيدات للاسباب دي :( !!

عشان تصلي لاااااااااازم تروح بدري:D

كنت متردده احكي الحاجات دي .. بس بجد حاجه تضايق ومحتااااااااااجه تغيير .. تفتكرو ايه اللي ممكن يغير ؟؟

من مدونتي اناشد كل ام او اخت ... بلاااااااااااااش تاخدي ولادك الصغيرين او اخواتك الصغيرين ( الصغيرين تحت ال 5 سنين أو اللي متعرفيش تسكتيهم بمعني أصح) معاكي المسجد بالله عليكي .. ( لغاية ما نلاقي حل ^_^) هتاخدي ذنب الناس اللي بتإذيهم بصوت ابنك او لعبه .. والشيخ قال انه من الأحسن تصلي في بيتك وهتاخدي نفس الاجر بدل ما تإذي الناس ..

ألــــ مبروووووك ــف :)

2011-07-26T23:50:00.004+02:00

يااااااااااه الست دي هتوحشني بجد ... واخدين بالكو لبست المرة دي الكاب
بجد مش مصدقه نفسي ..
الف مليووووووووون مبروك ليكم النجاح والتخرج
انا مبسوووووطة جداااا عشان اصحابي وعشان كل الناس ..
انهارده كان أحلي حفلة مع أهلي ومش هنساها ابدا ربنا يخليهم ليا يارب
كان يوم جميل قوي واكتر يوم ضحكت فيه من قلبي بجد .... بغض النظر عن اثار الصاوريخ اللي في ايدي
مرضتش اقول الترم الاول طلعت الكام بس المرة دي هقول بقي عشان اخر مرة هطلع فيها واخر مرة هحسب ترتيبي
الحمدالله طلعت الاولي بفضل ربنا ..

ومبسوطه جداااااا ان اخر حاجه ليا في الكلية كانت حلوة .. ويارب اخر حاجه في حياتي تكون حلوة برضه
ومينفعش اعدي طبعا اليوم ده من غير اغنيه حليييييم ^_^

مبرووووووووووووك تاني لكل الناس اللي مقلتش ليهم مبروك وربنا يوفقكم في مستقبلكم
فرحانه جداااا اننا اتخرجنا .. عقبال كل الناس ..
الناجح يرفع ايده

علي الهامش

..........

حاجه احب احكيها بتبين حاجات حلوة :)

بعد ما خلصنا حسبت ممكن اجيب كام في كل مادة وانهاردة اول ما شفت النتيجة مكنتش مصدقه بجد سبحان الله

جبت نفس المجموع اللي حسبته مع نفسي بس مش كل المواد نفس الدرجات في مواد قلت ومواد زادت بس في الاخر نفس المجموع :)

ربنا كرييييييم .. إن الله عند حسن ظن عبده به

اللهم لك الحمد ولك الشكر كما ينبغي لجلال وجهك وعظيم سلطانك

هتعمل ايه ؟؟

2011-07-26T16:45:00.006+02:00

انا مبسوطه قوي السنه دي
أول سنه من زمان ... رمضان يجي في وقت مفيش اي حاجه تانيه تشغلني عنه
ان كانت دراسه او اي حاجه تانيه ..

واحنا صغيرين كان رمضان لما يقرب بيبقي عندنا شعور حلو قوي ..
فرحة وحاجات تانيه كتير داخله في بعضها بتتنطط جوه كده مش عارفه اوصفه ...
لما بنكبر في ناس تقول مش حاسس ان رمضان ده حلو زي السنه اللي فاتت
ومعملتش فيه اللي كنت عاوز اعمله وياخسارة ياريتني كنت عملت وعملت...
رمضان هو رمضان :) المهم انت هتعمل ايه ؟؟

السنه دي بقي الحمدالله متفرغه وفاضية لشهر رمضان فقط لا غير
يارب يكون احسن شهر رمضان يعدي عليا وعلي الامة الاسلامية جميعا
اللهم بلغنا رمضان بخير ان شاء الله واعنا على عبادتك يارب العالمين

الصورة دي فيها امساكيات مجمعها من 6 سنين
بحب الامسكيات جداااا ^_^
اللي معاه امسكية يجيبها بقي والا

كل عام وانتم بخير :)

2011-07-21T03:45:00.002+02:00

بس كده ^_^

2011-07-06T00:58:00.003+02:00

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ
عجبي !!

حاجه تزهق ولا لا ؟؟

2011-06-15T16:50:00.007+02:00

علي فكرة E
دي ..

Exponential time

تفتكرو هينفع ؟؟

الامتحان
np-hard
تخيلو بقي يبقي الكتاب كمان
np-hard
نعمل ايه احنا دلوقتي كل حاجه
HaaaaaarD !!

2011-06-10T12:48:00.001+02:00

محدش عاجبه حاجه ...
مين محدش ده

محدش يحل بالرصاص

2011-06-09T16:30:00.006+02:00

برعي وعباس انهارده بقي ^_^

قبل الامتحان..

برعي : بصيت علي اسئلة سيسكو يا عباس ؟؟
عباس : اه يعني ..
برعي : طيب تمام ان شاء الله نحل كويس بقي ..

الامتحان بدأ ... تاااااا تااااا تاااا

برعي : يالا الهول مفيش ولا سؤال اختياري
برعي : هو ده امتحان ايه ؟؟ مش انهارده شبكات برضه ؟؟
عباس : يا سيدي مش فارقه مادة ايه .. حل وخلاص بقي
برعي : ماشي ماشي هحل اهو .. الا ايه هو ال aggregation ده يا عباس
عباس : اجري جيشن ايه بس يا برعي ده وقت هذار عاوزين نخلص قال اجري قال
(بروفيسور يموت في الالغاز)
برعي : طيب انا بقول كده برضه
عباس : بقولك ايه ياد باين كده البروفيسور نسي وكرر السؤال مرتين
برعي : بجد ؟؟
مراقب:( محدش يحل بالرصاص .. ممكن الرسمه بس بالرصاص لكن حلو بالجاف)
عباس : اه شوف حتي كده
برعي : هو فين ده .. هنعمل ايه يعني ؟؟
مراقب:(انا بقول كده عشان مصلحتكم محدش يحل بالرصاص)
عباس : حل واحد بس يا ذكي هتعمل ايه يعني .
مراقب:(الوكيل قال كده ان تحلو بالجاف والرسمه بالرصاص والدكاترة بتشتكي من الرصاص لما تيجو تراجعو الورق)
برعي : طيب متزقش ..
مراقب:(محدش يحل بالرصاص)
عباس : استغفر الله العظيم طب والله لحل بالرصاص بقي
مراقب:(محدش يحل بالرصاص)
برعي : ايه يا عم.. ده عسل خليه يقول اللي عاوزه اهو بيسلينا ..
برعي : سيبك بس من الامتحان وتعالي نشوف الرصاص مزعله في ايه بس
عباس : هحل بالرصاص بقي هه

وكملو الامتحان بقي.. ^_^
اهم حاجة مفيييييييييش تاني برعي وعباس مع الشبكات

علي خطي الحبيب

2011-06-07T08:28:00.004+02:00

بحب النشيد ده جداااااا جدااااااا

تفاءلوا بالخير تجدوه ..

2011-06-07T07:25:00.010+02:00

يارب يسرلنا حالنا جميعا وحقق أملنا يااااارب

مش بس تمزق كل سحب الظلام
دي بتنزل مطر كمان

لا كده ناسي واحده كمان
والمستبيع يرمي نفسه في البحر

يلا نضبط الاشرعه بقي

بما ان داخلين علي امتحانات "قال يعني بنبطل امتحانات اصلا "
يبقي مفروض ولا يكون في اكتئاب ولا حالات الحزن الغريبه اللي عند ناس كتير الايام دي
دي الامتحانات هي اللي هتخاف مننا
في حاجه مهمه قوي ..
الاحساس الداخلي للانسان خليك ديما واثق من نفسك كده حتي لو مكنتش مذاكر كويس
وتوكل علي الله وان شاء الله هتحل كويس ..

تفاءلوا بقي ^_^

^_^

2011-06-02T20:44:00.003+02:00

خلينا ماشين زي ما ماشين
مين عارف مين بكرا جايب ايه
ومادام عايشين ومادام قادرين نحلم
بنخاف من حلمنا ليه !!

مناسبة خاصة

2011-06-01T19:00:00.002+02:00

وفقاً لتقاليدي الخاصة انا ومدونتي
بحتفل انهارده بعيد ميلاد المدونة
1-6-2011
تورتة احلي من السنه اللي فاتت وهناكلها لوحدنا
كملت سنتين
كل سنة واحنا طيبين

سمسم وسمسمة 2

2011-05-30T23:00:00.001+02:00

سمسم : انتي بتقلديني وبتلبسي زي ليه ؟
سمسمة: انا برضه اللي بلبس زيك
سمسم : اه هو كده بقي هه
سمسم : عاجبك ولا لا ؟؟
سمسمة: (نسمة) .. ماشي يا سمسم

وفضلو مكتفين كده من ساعتها

" ارض بما قسم الله لك تكن أغنى الناس "

2011-05-28T21:48:00.007+02:00

صغير يبتغي الكبرا
كـبيـر ود لـو صغـــــرا
وخال يبتغي عمــلا
وذو عـمـل بـه ضـجـرا
ورب المال في تعب
وفي نصب من افتـقرا
فهل حاروا مع الأقدار
ام هم عارضو القـدرا؟

عباس محمود العقاد
ـــــــــــــــــــ

احمد ربك علي ما تملك .. ان شاء الله ربنا هيكرمك ويرزقك من حيث لا تحتسب

2011-05-27T02:56:00.006+02:00

يا لذيذ يا رايق

حاسه بالفشل .. احساس جامد قوي خالص جداا
مش ممكن مستحيل محصلش ومش هيحصل ^_^

عاوزة سفن اب بقي
ربنا يستر ويعدي الشهر ونص دول علي خير يااااااارب..

كُن بلسماً

2011-05-20T16:04:00.001+02:00

كن بلسماً إن صار دهرك أرقما
وحلاوة إن صار غيرك علقما
إن الحياة حبتك كلَّ كنوزها
لا تبخلنَّ على الحياة ببعض ما ..
أحسنْ وإن لم تجزَ حتى بالثنا
أيَّ الجزاء الغيثُ يبغي إن همى ؟
مَنْ ذا يكافئُ زهرةً فواحةً ؟
أو من يثيبُ البلبل المترنما ؟
عُدّ الكرامَ المحسنين وقِسْهُمُ
بهما تجدْ هذينِ منهم أكرما
ياصاحِ خُذ علم المحبة عنهما
إني وجدتُ الحبَّ علما قيما
لو لم تَفُحْ هذي ، وهذا ما شدا ،
عاشتْ مذممةً وعاش مذمما
فاعمل لإسعاد السّوى وهنائهم
إن شئت تسعد في الحياة وتنعما

اليا ابو ماضي .. شاعر التفاؤل

2011-05-07T13:26:00.003+02:00

ياعيني راسه عملت بووم في الامتحان
مش عارفه ليه كده بس الامتحان محتاج دقيقتين الا ربع بس
الحمدالله اخر امتحان ميد ترم شبكات في الدنيا

طنش كبر اوعي في يوم تيجي وتفكر في يوم عدا وراح ..

2011-05-02T21:25:00.000+02:00

مش عارفه ايه العنوان الغريب ده والصورة الاغرب منها دي كمان..
بس فعلا احسن حاجه ان الواحد يبقي "مهيس" زي الصورة دي كده بس مش قوي يعني

من غير ما نأزم نفسنا .. ولا نتعب اعصابنا ..
ولا يجيلنا حول في راسنا.. وصداع في عنينا ..
ولا نكشر عشان ميبقاش شكلنا وحش

تفــــــــــــــــاؤل مهما حصل ...

او محصلش برضه

ملحوظه:
مبحبش كلمه "مهيس" دي خالص بس اللي عاوزة اقوله بالمعني ده

سألو الشهيد

2011-04-29T20:12:00.000+02:00

سألو الشهيد نفسك فى ايه وايه توصينا احنا بيه ..
قال خلى بالكو من البلدى واوعو تنسوا انا مت ليه ..

ومعاكو يامصريين شايلين حلم التغيير
وتحية لسينا سويس ولقبلى وبحرى وللتحرير

مع بعض مسيحى ومسلم هنجيب حق الملايين ..
ماهو صعب ان الغلبان يتهان واصحابنا تنام فى حرير ..

سألو الشهيد نفسك فى ايه وايه توصينا احنا بيه ..
قال خلى بالكو من البلدى واوعو تنسوا انا مت ليه ..

2011-04-29T10:28:00.000+02:00

الحكمة ضالة المؤمن ... وبنو الإسلام بها أولى ..
حيث تجدها فعليك بها ... عنها أبدا لا تتخلى ..

I HATE SCHOOL

2011-04-17T12:33:00.001+02:00

دي بقي اختي الصغيرة (نودي)
فخورة بيها جدااا

هواية..

2011-04-15T21:28:00.004+02:00

بما اني بحب الاطفال عملت جاكيت صغنن كده
بحب شكل لبس الاطفال قوي بتبقي حاجات صغيرة كده وعسوله خالص
اللبس والاحذية بتاعتهم بجد تجنن .. ديما اقف ادام المحل ( الباترينه) اتفرج عليها وابقي مش عاوزة امشي
مش عاوزة اقولكم اني لسه لغايه دلوقتي بقف ادام محلات العاب الاطفال وابقي عاوزة اسأل هو المحل بيقفل الساعه كام
هوايتي الجميلة الخياطه .. بجد حاجه مسلية جدااااااا
بس شكلي هحدد الهوايه شوية بعد كده هتبقي حاجات اطفال علطول اهي هتنفع بعد كده ان شاء الله .. هعمل توحيد للزي بعد كده
الصورة اللي فوق دي بتاعه الجاكيت من قدام
وده شكله من ورا..

الخامات :
- قماش غريب جدااا عامل زي البطانيه
هو شبه القطيفه بس بيدفي وجميل
- سوسته
- خيط
- اشكال للتزيين
ده لسه مخلصش ... الجيوب ولا الاشكال متركبه عشان احتمال اجيب غيرها أشكال أحلي يعني .. في الاجازة بقي ان شاء الله

صحيح محدش يشبه علي الجاكيت

2011-04-15T17:45:00.001+02:00

باباي و زيتونه وبلوتو
باباي الجامد .. ده كرتون دمه خفيف قوي ..
في حاجه كنت بستتغرب منها وانا صغيرة سر السبانخ العجيب ده ..
هو ياكل السبانخ من هنا ويطلعله عضلات علطول
انا مبحبش السباااانخ
جربت اكل سبانخ وانا صغيرة ومستنيه بقي يطلعلي عضلات
ولا حصل اي حاجه

ذكريات طفولية ^_^

2011-04-09T15:45:00.000+02:00

مفيش احلي من ذكريات الطفوله

كرتون بحبه قوي
أول واحد ده اسمه ماوكلي فتي الادغال
ماوكلي ده البطل كان شقي شوية وهو صغير وضاع من مامته وباباه في الغابه واتربي هناك بقي وبدأت المغامرات مع شريخان النمر الشرير ..
كان بيعملو ليه حاجات كده بتطلع في الكراتيه ... تلوين يعني وقصص صغيرة ومسابقات كنت بحبها قوي

التاني ده بقي الفواكه .. رولي وشوكي وموزي وكامبا
البطل بتاعه رولي .. رولي ده مسخرة بجد دمه خفيف قوي ..
من الشخصيات كان في خنزيرين ديما قمة في الغباء..

التالت بقي ساندي بل قصته كانت حلوة قوي ..

ساندي بل كانت بنت امورة خالص وطيبه ودمها خفيف وصحابها كلهم بيحبوها وانا كمان كنت بحبها

وديما كتي كانت بتحاول تضايقها وعاوزة تفرق بينها وبين مارك .. بس علي مين بقي مارك مكنش بيهتم طبعا بكتي ..
وأحداث كتيرة حصلت بقي مش فاكرة منها اي حاجه

كعبول وعبقرينو بقي
كنت بحبه جدااااااااااااااااااااا
عبقرينو ده جامد جدااااااااا بحب قوي الحاجات اللي بيعملها مع انها كلها كانت فاشله
وياعيني عبقرينو كان بيجرب كل الاختراعات في كعبول

كنت بتفرج عليه علي القناة السابعه ديما دمه خفيف قوي الكرتون ده
القط المشاكس ونادين والسيده رفيعه دي كانت ظريفه قوي

كانت ايام جميلة

2011-04-07T23:33:00.001+02:00

مفروض اعمل ايه بقــــــــــي انا دلوقتي ..؟؟
كل حـــاجه متلخبطه .. وداخله في بعضها ..!!
ومبقتش فــــــــــــاهمه اي حــــــــــــــاجه ..!!
وباين كده ان محدش فــــــــــاهم برضه .. !!

^_^

2011-04-06T21:27:00.010+02:00

i will never forget today ..
(6-4-2011)
Also...
It Is The Happiest Day In My Life ...
Not Forget (18-3-2010) ...
I Love To Be With You ...

يارب ديما

2011-04-04T22:46:00.003+02:00

يارب وفقني في اختياراتي .. وارشدني للصواب ..
الحمدالله ...

إن بعض الظن اثم ..

2011-04-03T13:17:00.004+02:00

لم اتوقع ذلك ابداً
منكِ أنتِ .. !!
بل كنت انتظر عكس ذلك تماماً ..
كنت اظن انه لايوجد شيء اسهل من الكلام حتي ان لم تكن تعنيه إن كان سيدخل السرور علي شخص ما ..
ولكن تبين لي انه احيانا حتي الكلمه التي لا تكلف شيءً قد تكون بأمر صعب ..
والاسهل منها هو ان تتحدث بكلام " يسم البدن زي ما بيقولوا "
أتعجب بشده من ذلك !!
اعتقد انه لن يكون امر سهل عليك عندمنا تنتظر من شخص ما رد فعل معين وتجد عكسه ..
وخاصة عندما يكون من أقرب الناس اليك .. ووجدت بصفاء قلب من هو أحن عليك منه !!
أيقنت أشياءً لم تكن تخطر في بالي في يوماً من الأيام ..
أري أنه لأي انسان الحق ان يتذكر من كان معه في لحظات معينه..
ولكني سأحاول أن أُحسن الظن دائماً فيمن حولي مهما حدث ..
ادعو الله أن يكون ظني خطأ .. وأن اكون أنا من أسأت الفهم ..

إن بعض الظن اثم ..

حدث في هذا اليوم :D

2011-03-30T22:22:00.002+02:00

انهارده الاربعاء 30 -3 -2011............اخيرااااا النتيجه ظهرت الحمدالله
الف مليوووووووون مبرووووووك لكل الناجحين
وتقدم مستمر لكل الناس ياااااارب ....
انا فرحانه قوي الحمدالله يارب
ربنا يفرح الناس كلها ديما ....
مستغناش ابدا عن الصورة دي
بموووووووووووووت فيها
انا مش عاوزة اكتب طلعت الكام الترم ده زي كل مرة عشان مش مصدقه ... خايفه اروح بكرا بجد الاقيها حاجه تانيه

100 100 اهو عبد الحليم بنفسه غني في الحفله
مبروووووووك تاني لكل الناس

I'm SoOoOo Happy For You

كلمة مصري يحلم بيها ناس تانين

2011-03-19T12:22:00.005+02:00

حبيتهااااا.. دي بلدي اللي انا اتمنتها كبرت وعرفت قيمتها دي ملهاش بديل انا نهار وليل في سيرتها ..
شجعهاااا .. قول مصر قول سمعها ده كل العالم متابعهااااااا...
انا فرحانه قوي اني قلت رأي لاول مرة في حاجه لبلدي ...
بجد شعور تاني خالص ..
والبتاع الفوشيا اللي بيحطوه ده جميل خالص ... اول مرة بقي اروح

ربنا يعمل اللي فيه الخير لمصر يااااااااااااااااارب

2011-03-13T21:30:00.003+02:00

2011-03-09T01:42:00.001+02:00

أنا آسف

2011-03-02T16:40:00.004+02:00

اد ايه كلمة جميلة ومريحه تجبر اللي بتتكلم معاه يسامحك وهو راضي ومبسوط ..
كلنا ممكن نغلط لكن المهم اننا نعرف غلطنا ونعتذر عنه وميتكررش تاني ..
ومن رأي الشخصي ان الاعتذار ده شئ واجب ..
وفي نفس الوقت نتعلم نسامح .. هو مش واجب لكن هتحس بحجات حلوة كتير لما تتعلم تسامح ..

في البداية كده نعرف يعني ايه تسامح ؟؟

ببساطه كده هو انك تعيش انهارده وتستمع بكل لحظه فيه من غير ما تفكر في اي احزان او الم حصل امبارح ..
تنسي اي افكار ممكن تزعلك .. ميبقاش في قلبك اي كره لشخص .. مهما صدر منه ..
اقصد هنا بتنسي انك تحاول تتقدم للامام مش مجرد انك تنسي حاجه معينه ..
تحاول تداوي اي جرح كان سبب فيه عدم التسامح ..
التسامح هو انك تسامح نفسك اولا
تحس كده الحياة حلوة وقلبك صافي .. تنام مرتاح ومطمن ومش شايل هم انك مزعل حد أو حد مزعلك ..
التسامح انك ديما يكون في بالك الظن الحسن في الناس وديما تلتمس الاعذار في اي موقف ..
هأكد تاني مهما حصل منه قبل كده .. مش قصدي طبعا انك تكون ساذج ..
ممكن بعض الناس تفتكر ان القسوة هي القوة ولكني أري ان القوة الحقيقة هي التسامح ..

آيات كتير في القران تدل علي التسامح .. الاسلام دين حب وتسامح..
ازاي بقي نبقي مسلمين ومنعرفش نحب ونسامح بعض

قال الله تعالي :

(فَبِمَا رَحْمَةٍ مِنْ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لاَنْفَضُّوا مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ). آل عمران (159)
(وَلْيَعْفُوا وَلْيَصْفَحُوا أَلاَ تُحِبُّونَ أَنْ يَغْفِرَ اللَّهُ لَكُمْ) . صدق الله العظيم

تفسير الايه التانيه وايه قصة نزولها ؟؟ هنا

مما قرأته .. ان الرحمة في قلب الانسان تدل علي مدي اتصال الشخص ده بربه والقلب القاسي ابعد قلب لله عز وجل
.. لو كان الانسان فظا غليظ القلب وفي نفس الوقت علي درجه كبيرة من العلم والمعرفة وليه مكانه كبيرة مش هيكون محبوب
زي واحد عكسه ... من يرحمو الناس يرحمهم الله

يلا نرمي احزانا زي الراجل اللي في الصورة ده ونحاول نتعلم منها وننسي كل حاجه ممكن تزعلنا ونفكر بس ايه اللي ممكن يفيدنا
وايه اللي ممكن نحصل منه علي نتايج ايجابية لينا ولكل اللي حوالينا ونتعامل مع اي حاجه وحشة كأنها محصلتش ..

حاجه اخيرة بقي بتمني ان لو اي حد زعل مني في اي حاجه عملتها بقصد أو غير قصد انه يسامحني عليها
وبعتذر عنها حتي لو معرفش هي ايه

وأتمني كمان ان كل واحد قرا الكلام ده يقدر يعتذر ويسامح اي شخص احيانا في حاجات بنعملها ومش بنبقي فاهمين بنعملها ليه
او لسه عقلنا مقدرش يفهم ان ده غلط اياً كان يعني ايه السبب
أتمني لتالت مرة
ان كل الناس يبقو زي الصورة دي بجد من قلبهم مش كلام وخلاص

افتكرو ديما ان اللي بيسامح ربنا بيسامحه .. الجزاء من جنس العمل

وده كان مجرد رأي..

قريتها وعجبتني

2011-02-20T01:57:00.002+02:00

الأحلام الكبيرة تبدأ صغيرة, عليك أن تؤمن بأحلامك جدا. لا تكن واقعيا..
فالإنسان هو الذي يصنع الواقع وليس الواقع هو ما يصنع الإنسان. اعمل بإخلاص ولا تتوقع نتائج سريعة..
النقود ليست المكافأة الوحيدة؛ فالمكافأة هي أن تفعل شيئًا يمكن أن يغير حياة البشر.
اقبل المخاطرة ولا تتنازل عن قيمك مهما كان الثمن. عليك أن تؤمن بهؤلاء الذين يحبونك.. وأن تكافئَهُم على هذا الحب..

دي كانت نصيحه من د. عصام حجي للشباب .. ( لو حد يعرفه " عالم فضاء مصري بوكاله ناسا ")

Thank You

2011-02-20T00:33:00.001+02:00

Thanks For All The Things You Have Done For Me ..

I Can't Forget It Never
&
I'll Keep It In My Heart For Ever ..

Thank You ...

2011-02-17T01:47:00.004+02:00

اخر ابداعاتي تاني :D

2011-02-15T00:44:00.004+02:00

انهارده بقي ميداليه ... دي صورة من ورا

ودي من ادام
نفس الخامات اللي فاتت ... زياده بس السلسلة

اهم حاجه النغز خالو بالكم
انا بحبها جدا

آخر ابداعاتي ^_^

2011-02-14T16:38:00.004+02:00

المرة دي بقي قلب عملته امبارح

الخامات بقي
- قماش مش عارفه نوعه ايه بس هو شبه القطيفه بس اتقل شوية
- فيبر للحشو
- خيط تطريز
- سوسته

اوعي بس حد يفتكر انه عشان الفلانتين
ده عشان حاجه تانيه

في كمان مخده بس لسه مخلصتش
يارب يكون عجبكم

كل سنه وانتم طيبين ... بمناسبه المولد النبوي الشريف

ربنا يستر

2011-02-11T21:38:00.004+02:00

بالرغم ان في ناس كتير كان نفسها يحصل كده حاليا " ويارب يكونو ارتاحو كده ويرجعو بيوتهم "
المركب اللي ليها ريسين بتغرق مابلكم ملهاش خالص والمركب ماشي لوحده !!
مش مبسوطة ولا مرتاحه ولا مطمنه باللي حصل
ربنا يستر ويحفظك يا مصر الايام الجاية

2011-01-21T21:35:00.001+02:00

ايوة صح كلامك مظبوط هي دي الوردة المختلفه
.
.
ناس فاضية صحيح

طيارات ورق :D

2011-01-17T18:45:00.007+02:00

(1)

في الصورة رقم (1) زي ما احنا شايفين يا عيني العيال مش عارفه تحل اي حاجه
اصل متعرفوش عندهم امتحان شبكات
لا قصدي "مجلة" شبكات

برعي : انت في الصفحه الكام ؟؟
عباس : يا سيدي مش واخد بالي كلهم شبه بعض
برعي : طيب افتح الصفحه الاولي ياعم.. السؤال الاول الاجابه ايه ؟؟
عباس : حادي بادي كرنب زبادي شالو وحطو كله علي ادي ... الاجابه رقم بي ده كلام اكيد اكيد يعني يا برعي
برعي : ده عاوز 3 اجابات خلي بالك
عباس : ... سهله قوي خد اللي تحتها واللي فوقيها
برعي : علي بركة الله

وكملو الاسئلة الاختياري بنفس الطريقه
.
.

(2)

اما الاسئلة التانيه بقي
.
.

برعي : ياد يا عباس هو السؤال ده عاوز ايه ؟؟
عباس : والله يا بني ما انا شايف
برعي : السؤال بيقولك حط دواير سوده وبيضه ده سهل قوي حل بقي
عباس : طيب ماشي اعمل اللي علي اليمين كلهم اسود واللي علي الشمال كلهم ابيض ولا اقولك العكس العكس
برعي : الحق ياد الفرج جه

ويا عيني المراقب خد باله وصاد الطيارة بالنبلة
.
.

(3)

برعي وعباس زعلو قوي

مع ان في امتحانات مينفعش معاها حتي الطيارات الورق

كلام في سرك
اللي يضحك بقي لما برعي وعباس قالو مرة للبروفيسور بتاع الماده الامتحان بيكون طويل قوي
البروفيسور رد عليهم قالهم ... اصل الكليه عندكم مش بترضي تصور الورقه وش وظهر
قال يعني كده الامتحان مش هيبقي طويل

سمسم وسمسمة ^_^

2011-01-14T11:00:00.000+02:00

سمسم : بس بس
سمسمة : طبعا مش معبراه
سمسم : ممكن ياجميل ترد عليا
سمسم : طب شوفي جايبلك ايه معايا طيب ..
سمسمة : مش عاوزة حاجه
سمسم : ليه بس يا سمسمه
سمسم : ده انا جيبلك ورده جميلة شوفي حتي
سمسمة : وحشه
سمسم :...
سمسم : مممم
سمسم : طيب اقولك حاجه لو رديتي عليا هجبلك ايس كريم
سمسمة : انت قلت ايه؟؟
سمسم : هجبلك ايس كريم
سمسمة : هاته الاول
سمسم : طب خدي الورده
سمسمة : الله جميلة قوي شكرا يا سمسم
( سمسمه ردت عشان لقت ان الورده حلوة مش عشان حاجه تانيه طبعا .... وسمسم راح يجيب الايس كريم يا عيني )

ربنا يخليهم لبعض يااارب ... ويفضلو مع بعض طول عمرهم

جونكر البطل الجباااااار

2010-11-28T18:09:00.005+02:00

اهجم اهجم لا تلين نحن معك .. معك اجمعين
حطم الاشرار .. ساند الاحرار
جونكر جونكر البطل الجبااااااااااااار

كنتارو و راي زي العسل

ده مسلسل يباني اسمه "غزاه من الفضاء" من سنه 1972 كنت بتفرج عليه في 2 ابتدائي
بحب المسلسل ده قوي

كنت بتفرج علي ال 26 حلقة كلهم مرة واحده
كان بالنسبة ليا فيلم رعب وببقي عارفه ايه اللي هيحصل وببقي خايفه برضه
ولما يحصل حاجه لجونكر ببقي خلاص قربت اعيط

كان بيحكي عن غزاه من الفضاء " اسمهم المدمرون " لونهم بنفسجي وكلهم شبه بعض ومقرفين كده ومختلفين عن بعض بأرقام .. كان في منهم جايين عشان ياخدو الاكسجين من الارض وطبعا جونكر وكنتارو كانو بيحررو الارض منهم

ولا كورديلا ده وحش من الوحوش انا فاكرة انه كان غبي قوي حتي لسه فاكرة اسمه
و لما الاطفال كانو بيدخلو جوا الكتاب كانت حلقة حلوة قوي ..

كنت بتخيل لو عندي انا كمان زي كنتارو جونكر كده وانده عليه من السما يجي

Prescription ^_^

2010-11-03T21:57:00.008+02:00

2010-10-31T18:39:00.003+02:00

That's Promise From Me

2010-10-30T03:04:00.009+02:00

From Today , no no

Tomorrow, mmmm
Huh !!

(-.-)
<( )>
] [

From Yesterday

Coming Days .....

I will try to be Optimistic ... As Before...

& You
Try To Do That Too ..

That's Promise From Me..

تحقيق السعادة !

2010-10-26T18:43:00.004+02:00

إن تحقيق السعادة يكمن في حب الطريقة التي تشعر بها وأن تكون منفتحاً على المستقبل بدون مخاوف .

إن تحقيق السعادة هو أن تقبل ذاتك كما هي الآن .

إن تحقيق السعادة ليس في تحقيق الكمال ، أو الثراء ، أو الوقوع في الحب ، أو امتلاك سلطة ونفوذ ، أو معرفة الناس الذي تعتقد بوجوب معرفتهم ، أو النجاح في مجال عملك .

إن تحقيق السعادة يكمن في أن تحب نفسك بكل خصائصها الحالية –ربما ليس كل أجزاء نفسك تستحق أن تحبها – ولكن جوهرك يستحق ذلك.

إنك تستحق أن تحب نفسك بكل ما فيها الآن .

إذا كنت تعتقد أنه لك أن تكون أفضل مما أنت عليه كي تكون سعيداً وتحب نفسك ، فأنت بذلك تفرض شروطاً مستحيلة على نفسك .

إنك الوحيد الذي يعرف نفسه بالطريقة التي ترغب أن تعرفها بها .إنك تستطيع أن تجمع أطول قائمة لأقل أخطائك استثارة للتعاطف .ولكنك بترديدك لهذه القائمة ، سوف تكون قادراً على تقويض سعاتك، بصرف النظر عن النجاحات والإنجازات التي حققتها .

اعرف أخطاءك ، لكن لا تسمح لوجودها أن يصبح عذراً تلتمسه لعدم حبك لذاتك كما هي .

من كتاب...فجر طاقتك الكامنة في الأوقات الصعبة

:D

2010-09-13T05:20:00.001+03:00

هواية برضه :)

2010-08-10T04:25:00.004+03:00

المرة دي بقي معملتش عروسه زي قبل كده مع اني كنت ناوية اعمل عمر
ان شاء الله هبقي اعمله

تقريبا كل سنه بعمل زينه رمضان وفانوس رمضان " بس السنه اللي فاتت معملتش "
السنه دي بقي رمضان في الاجازة ..
عملت انهارده فانوس صغنن كده وميمي ساعدتني فيه "اختي "
دي صور ليه ...
اول حاجه الفانوس وهو مطفي وفي النور

ودي صورة ليه وهو منور وفي النور برضه

ودول وهو منور في الضلمه بقي
طبعا باين كل حاجه انا عارفه
بس عجبني شكل الظل بتاعه علي الحيطه

انا بحب اعمل حاجات بالكرتون كنت بعمل حاجات وانا في ابتدائي
عملت بيت كده وكان ليه باب وشابك واهم حاجه انهم كانو بيفتحو ويقفلو
ومرة عملت طقية كده بس كانت نكته كانت صغيرة قوي عليا ولبستها برضه
حاجات تكون مجسمة يعني
وسمكه ورسمت عليها العنين والزعانف ولونتها
بس ده اللي فاكراه دلوقتي ..
الفانوس ده بقي معمول من الكرتون " كارتونه عاديه بتاعه شبسي "بس متين طبعا
وعليه ورق ملون شفاف وورق ابيض وشريط هدايا ولمبة صغيرة وسلك ..
هو ناقص بس حاجه يتعلق منها ..
... يارب يعجبكم
كل عام وانتم بألف خير

ساعات بشتاق

2010-08-07T16:55:00.005+03:00

ساعات بشتاق ليوم عشته وانا صغير .. لشكلي قبل ما تغير ..

لايام فيها راحة البال .. عشان كنا ساعتها عيال ..

ساعات بشتاق للحب القديم .. و لصوت عبد الحليم ..

لنومي في حضني لبس العيد .. و احساسي ان بكره بعيد..

لفنجان قهوه من امي ونا بذاكر .. لفرحه ابويا لما انجح واكون شاطر..

للمة عيلة في الصيف لما بنسافر على مطروح ..

لأول لمسة من ايد اللي حبيتها .. لضحكتها .. ورئتها .. وبرائتها ..

لدمعة في عيني يوم البعد خبيتها .. وأنا مجروح..

ساعات بشتاق ليوم عشته وانا صغير .. لشكلي قبل ما تغير ..

لايام فيها راحة البال .. عشان كنا ساعتها عيال ..

ساعات بشتاق .. لخالي وعمي ولجدي ..

لحواديت من بتوع ستي .. لليلة من ليالي زمان ..

لفرح بيملى كل مكان ..

ساعات بشتاق لبيتنا الكبير .. ولناس مليانة خير..

لا باتو في مرة يوم شايلين .. ولا عملو حساب لسنين ..

للعب الكورة في الشارع في حتتنا ..

لأمي وهي بتعيد على جارتنا .. لرمضان لما بنوره يهل على بيتنا ..

وكل مكان ..

حاجات عدا عليها سنين سابت فينا .. صور جوانا عايشة زي اسامينا ..

ولا الدنيا ولا الايام تنسينا ليالي زمان ..

ساعات ..

ساعات ..

بشتاق ..

لايام فيها راحة البال عشان كنا ساعتها عيال

محمد فؤاد

2010-07-16T03:00:00.002+03:00

الف مبروك لكل الناجحين
وان شاء الله ديما احسن
الحمدالله ... طلعت ال 12

حفله اهو وحجات جامده مش زي كل مرة

Really So Happy For You

2010-06-10T17:36:00.000+03:00

تبسمك في وجه أخيك صدقة

2010-06-08T00:11:00.000+03:00

افتكرت انهارده موقف حصل معايا من فتره ..
وفعلا عرفت منه اد ايه قيمه البسمه في وجه اخيك
حتي لو انت متعرفش الشخص ده واول مرة تتعامل معاه
وممكن تكون اخر مرة ..
لما تكلمه وانت مبتسم وتديله اهتمام وانت بتتكلم بتفرق معاه كتير
هتسيب جواه انطباع كويس عنك
يمكن كتير مش بهتم قوي لما يبقي هي مرة وخلاص ومش هتعامل مع الشخص ده تاني
و مش بيحط في دماغه ان ممكن معاملته اول مرة مع حد ممكن يتحدد علي اساسها حاجات كتير
وان بعد كده الشخص ده لما يقول رايه فيك هيكون ايه!!

مش قصدي بالكلام ده انك تحاول تكون حد تاني او تغير شخصيتك
او تاخد بالك قوي من كلامك عشان الانطباع الاول لدرجه انك تبقي مكشر
بالعكس انت المفروض تكون علي طبيعتك ده بيقرب الناس اكتر منك
بس في نفس الوقت تتعامل بطريقه حلوه..

في الموقف اللي حصل معايا
اتعاملت مع الحالتين في نفس الوقت
وفعلا فرق معايا كتير....
حد كده تحس انك حبيته من اول مرة والتاني طبعا العكس.. مش كرهته يعني مستريحتلوش ممكن ..
اكيد مع التاني بتبقي حاجه في الشخصيه .. او بسبب البيئة اللي اتربي فيها ..
او فاكر انه كده الناس هتحترمه اكتر" من الجديه يعني" مش بتبقي مقصوده علي ما اعتقد
ممكن تقول انك مش هتحس باي فرق لما تتعامل كده في الوقت ده ..!!
بس ده بيبان بعدين لما تلاقي معظم اللي حواليك بيحبك ويبقي مستعد يعمل اي حاجه عشانك
عشان في يوم كان محتاجلك وانت كل اللي عملته انك كلمته وانت مبتسم ..

نصيحه من مجرب
حاول ديما تتعامل مع اي حد بطريقه كويسه حتي لو مكنتش تعرفه
او حتي اخر مرة هتشوفه في حياتك ... وخصوصا لو كان محتاجلك في الوقت ده ...

مين منا مش عاوز يتصدق كل يوم من غير ما يدفع اي حاجه ؟؟
ده غير كده كمان ان الابتسامه طريقه كويسه لعلاج الاكتئاب

قال رسول الله - صلى الله عليه وسلم - ( أنكم لن تسعوا الناس بأموالكم فليسعهم منكم بسط الوجه وحسن الخلق ) رواه مسلم
قال رسول الله - صلى الله عليه وسلم - ( تبسمك في وجه أخيك صدقة ).

don't forget to smile
بس بلاش في المحاضرات

2010-06-03T02:07:00.004+03:00

الحمدالله
صورة معبرة جدا

مناسبه خاصة

2010-06-01T15:13:00.008+03:00

انهارده
1-6-2010
عيد ميلاد المدونه
كملت سنه بحالها
بس حصل في نفس اليوم ده حاجه احلي بكتير ..
وبقي يوم عمري ما هنساه ابدا ... عشان المدونه اكيد
كل سنه واحنا طيبين
انا والمدونه

القلب المفتوح أفضل معلم

2010-05-02T00:22:00.009+03:00

إن التعليم لا يجعلك سعيداً
إن النجاح لا يصنع منك إنسان عطوفاً
إن الفقر لا يجعل منك حكيماً
إن الثراء لا يجعلك تشعر بالكمال
إن الخبرة لا تزيدك فطنة
لكن الحب قد يعلمك كل شيء

من كتاب... فجر طاقتك الكامنة
في الاوقات الصعبة

كلاكيت تاني مرة

2010-03-21T18:11:00.006+02:00

الف مليون مبروك النجاح وعقبال الترم التاني يارب ...
كالعادة قعدت شفت النتيجه بتاعه كل الناس واحد واحد
بس المرة دي قعدت احسب ترتيبي ... فضي بقي
طلعت ال 15 علي الدفعه
الحمدالله ..
بقيت بتفائل بالصورة اللي فوق دي

2010-03-19T16:32:00.007+02:00

I want to Say...

الحمدالله

2010-03-18T19:55:00.007+02:00

Today...
((18-3-2010 ))
is the Happiest Day in My life ...
Special day for Me...
My Feeling Today Like This Picture

i Want To go there Now like Her

ازاي يكون الحب !!

2010-02-13T23:31:00.002+02:00

في حاجات ممكن تكون غايبه عن ناس كتير ..
او بتحاول تنسي الحاجات دي لاسباب كلها تافهه بالنسبه للكلام اللي هتقراه ..
جبته هنا.. ممكن افيد بيه اي حد يقراه ..
ليا طلب بس من اي حد هيقرا... ياريت يكمل للاخر ويتفرج علي كل الفيديو ..
اسيبكم تقروا بقي

!!....حدود المعامله بين الولد والبنت....!!

هناك حدوداً سنتها الشريعة فى المعاملة بين الولد والبنت ووردت في سنة رسولنا الكريم صلى الله عليه وسلم ، وعلينا أن نتبعها ونلقنها لأبنائنا من بعدنا ، وفي ذلك صلاح لأحوالنا ولأحوال الأمة كلها ، فلو أننا تركنا العلاقة بين الولد والبنت بغير التمسك بحدود الله فيها ، لأدى ذلك لانهيار البناء الأخلاقى للأمة الإسلامية بأسرها ، والإسلام لم يحرم وجود علاقة بين الولد والبنت وإنما جاء منسق لها فلم يتشدد ولم يتراخى وإنما توسط الأمرين لما فى ذلك من خير. فماذا لو تركنا أمر العلاقة بين الولد والبنت حائراً دون الحدود ألن يؤدى ذلك إلى فساد المجتمع بل قد يؤدى إلى اختلاط الأنساب واختراق قواعد الدين والسلوك ، ونحن نرى الكثير فى غفلة عن ذلك كله ، شباب وبنات يسيرون فى الطريق بلا هدى ، فهل هذا لغياب القدوة ، ولكن كيف ونحن مسلمون نقتدى بالرسول صلى الله عليه وسلم ، وأرانى أرجع السبب فى ذلك للبعد عن الله عز وجل والبعد عن القدوة الحسنة والامتثال بالقدوة السيئة .

!!....ماذا عن الحب ؟....!!

الحب أسمى وأجمل الأشياء فى الدنيا وديننا دين السماحة والحب ، وما أعنيه الحب الطاهر الذى لا يشوبه شبهة ولا يخلف وراءه ذنب وأعظم الحب ، حب الله ويظهر فى التقوى ، وبألا تحب أحداً أكثر من حبك لله سبحانه وتعالى: " ومن الناس من يتخذ من دون الله أندادا يحبونهم كحب الله والذين آمنوا أشد حبا لله ولو يرى الذين ظلموا إذ يرون العذاب أن القوة لله جميعا وأن الله شديد العذاب " {أنداداً} البقرة 165

فلا تشرك فى حبك لله أحداً ، أما حب العبد للعبد فلا إثم فيه ولا هو حرام وإنما إذا أحب الشاب فتاة فليحبها فى الله كذلك إذا هى فعلت . ولكن كيف يكون الحب فى الله ؟ يكون الحب فى الله بأن يبتغى مرضاة الله من هذا الحب وأن يتقى الله فى هذا الحب ، فإن الله سبحانه وتعالى رسم للإنسان منهجاً يسير عليه

قال تعالى : "وإن هذا صراطي مستقيماً فاتبعوه ولا تتبعوا السبل فتفرق بكم عن سبيله ذلكم وصاكم به لعلكم تتقون " الأنعام 153 ، أى أن صراط الله هو طريقه الذى جعله منهجاً للسلوك المستقيم الذى لا عوج فيه وعلى الشباب و الفتيات أن يتبعوا هذا الطريق السوي ، فإذا اتبعوه وساروا عليه سعدوا برضوان الله فى الدنيا وفى الآخرة وإذا انحرفوا عن صراط الله ، واتخذوا طرقاً أخرى مبتدعه ، تفرقوا عن سبيل الله وحادوا عنه ، وضلوا بإعراضهم عن هداية الله . أما عن العلاقة بين الشاب والفتاة فلا يجب أن تتعدى حسن المعاملة التى أمر بها الله سبحانه وتعالى وعن نبي الله موسى عليه السلام أنه قابل إمرأة تستقى فاستسقى لها ، أما إذا زادت العلاقة بين الشاب والفتاة عن حدود الله فى المعاملة بينهما ، كان ذلك خرقاً لتعاليم الإسلام وأوامر الله عز وجل

ودعا الله كلا من الرجل والمرأة إلى الاتصاف بالخصال الطيبة والآداب الفاضلة ليكون الرجل والمرأة عضوين نافعين فى المجتمع ، وراعى الإسلام الفوارق الطبيعية بين الرجل والمرأة ، ووظائف الذكر والأنثى ، فخص النساء ببعض الآداب لحفظ شرفهن وصيانة كرامتهن ومنعاً لهن من تعدى سفهاء الرجال.

!!...الحب قبل الزواج...!!

الحب قبل الزواج علاقة غير مشروعة بالرغم من وجودها هذه الأيام وفى مثل هذه العلاقات يقع كل من الشاب والفتاة فى محظورات نهانا الإسلام عنها فنجد الشاب والفتاة يتواعدان سراً تحت مسمى الحب وتارة يتحادثان بقول معسول وكلام من شأنه أن يضعف النفس أمام الشهوات والرغبات ويعد ذلك خضوعاً بالقول من الفتاة كذلك إباحة النظر فينظر كل منهما للآخر نظرة عظم ذنبها فالمرء قد يفحش بالنظر بل قد يرتكب الأكثر إثماً بمجرد نظرة قد يستهين بها. كذلك أن يختلى الحبيبان مع بعضهما ظناً منهم أن الحب شفيع لهم أمام المجتمع ولو صح ذلك فهل يشفع لهم أمام الخالق يوم العرض عليه؟ فالحب إذا دعا لمعصية الله كان نداً لله سبحانه وتعالى والله أغنى الشركاء عن الشرك به. وقال صلى الله عليه وسلم فى الخلوة : " إياكم والدخول على النساء فوالذى نفسي بيده ما خلا رجل بامرأة إلا دخل الشيطان بينهم " رواه الطبرانى . ولنتصور أيها الأحياء مدى الإغراء فى مجلس يحضره الشيطان ؟ وقد نهى الإسلام عن الخلوة بين الرجل والمرأة الأجنبية عنه وذلك بعداً عن الفتنة وإتقاء لما عسى أن يقع من اقتراف ما حرم الله ، وما من شك ، أن إجتماع الرجل والمرأة فى خلوة من شأنه أن يثير النفس، ويدعو إلى إرتكاب الإثم ، فلا يجتمع رجل وامرأة أجنبية عنه إلا فى حضور أحد محارمها مع حفاظ كل منهما على غض البصر فإن ذلك أسلم للقلب وأطهر للنفس قال تعالى : " قل للمؤمنين يغضوا من أبصارهم ويحفظون فروجهم ذلك أذكى لهم إن الله خبير بما يصنعون " النور 30 - ومن ذلك فإن العلاقة بين الشاب والفتاة قبل الزواج فعل غير مشروع حتى وإن تضمن وعداً بالزواج ولنعلم جيداً أنه لاحب بغير زواج .. والحب فى غايته نبيل وإحساس عفيف ولكن إذا وظف فى مكانه الصحيح كحب الله والأهل والعشيرة والرسول صلى الله عليه وسلم والزوجة والولد وما غير ذلك ولكن من منا إذا أحب لم يفكر فى محبوبه ويطلق لخياله العنان فى ذكر الحبيب وتذكره وإستجماع خصاله وصفاته من الذاكره لتطفئ نار الشوق واللهفة والسؤال لكم أيها الإخوة والأخوات - هل يجوز أن يحدث كل ذلك بغير زواج ؟

!!...متى نصرح بالحب ؟؟...!!

الحب حلال إذا مارسناه بطريقة صحيحة كما أشرنا سابقاً ، ويكون حرام إذا غفلنا عن هدى الله ورسوله صلى الله عليه وسلم فقد نهى الله عزوجل نساء المؤمنين عن العلاقات ما قبل الزواج لما فيها من لين وتميع فى الكلام مما يغضبه سبحانه وتعالى فقد قال فى كتابه: { يا نساء النبى لستن كأحد من النساء إن اتقيتن فلا تخضعن بالقول فيطمع الذى فى قلبه مرض وقلن قولاً معروفاً } الأحزاب 32 وهذه آداب أمر الله بها نساء النبى لأنهم يعتبروا قدوة لنساء الأمة كلها وقوله عز وجل { فلا تخضعن بالقول } يعنى بذلك ترقيق الكلام واللين والتميع فى مخاطبة الرجال ( والمقصود هنا الرجل الأجنبى عن المرأة ) ومعنى قوله عز شأنه { وقلن قولاً معروفاً } أى قولاً حسناً جميلاً وألا تخاطب الأجانب بكلام فيه لين وتميع أى لا تخاطب أجنبى كما تخاطب زوجها ، ولذلك فاحرصي أيتها الأخت الكريمة على عدم الخضوع بالقول والتصريح لغير الزوج ( الأجنبى ) بعبارات الحب فذلك يعد خضوعاً بالقول وهذا أمراً محرماً ورد نص صريح فى تحريمه فحاذري من أن تقعى فى ذنب وأنت لا تشعرين ، وتجملي بخلق المرأة المسلمة المؤمنة ، وحافظى على نفسك ودينك ، وقولى قولاً سديداً حتى لا يضعف أو يفتن من فى قلوبهم مرض ، فعندما تقولى عبارات الحب والغرام لشاب مثلك فى خلوة أو حتى فى غير ذلك فإن بذلك القول قد حركتى مشاعره وغريزته ورغبته المكبوتة عنده وكل ذلك فى غير موضعه الصحيح كذلك إذا فعل هو معك الشئ نفسه ودنا منك بقوله المفعم بالكلمات الرقيقة المحركة للرغبة والمشاعر ، كان بذلك يدفعك إلى ارتكاب ذنباً ومعصية ومن كان منكم يظن نفسه أقدر على التحكم فى رغبته وشهوته من غيره فالأحرى به أن يؤجل هذا القول إلى أن يعجل الله بزواجه ، وأن تتقوا الشبهات فهذا خيراً لكم والشاب الذى لم يستطع الزواج فعليه بالصوم والصبر حتى يتم الله عليه نعمته وذلك إمتثالاً لقوله صلى الله عليه وسلم : ( يا معشر الشباب من أستطاع منكم الباءة فليتزوج ومن لم يستطع فعليه بالصوم فإنه له وجاء ) البخارى ، فالصوم أيها الشباب يحفظ النفس والعفة ، وإن صبرت فإن الله يأجرك على صبرك هذا والله واسع الثواب ، وأنت بصومك جاهدت نفسك وأخضعتها لطاعة الله عز وجل وكان ذلك خير الجهاد { والذين جاهدوا فينا سنهدينهم سبلنا } العنكبوت 69

!!...وأخيراً في المصاحبة...!!

يقول المولى عز وجل { ولا متخذات أخدان } النساء 25 ، ومعنى قوله عز وجل { متخذات أخدان } أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته . وأراد الله عز وجل أن يبعدنا عن هوى النفس باتقاء الشبهات والتحصن من الفتنة بسد جميع نوافذها ، فالمصاحبة بين الشاب والفتاة أرض خصبة يجدها الشيطان مدخلاً ميسوراً لنا ، ليهدم داخلنا التمسك بالدين وإنتهاجنا المنهج القويم وليحيد بنا عن طريق الحق تاركنا هاوين إلى الظلمة والضلال ، وإذا أمعنا النظر فى مصاحبة الولد والبنت ، لوجدنا فيها كل ما ذكرنا من إثم ومعصية ، فتجد فيها الخلوة والفحش بالنظر والخضوع بالقول بل وأكثر من ذلك ، ونحن كمجتمع شرقى إسلامى لا نجيز مثل هذه العلاقة وإن كانت منتشرة بين الشباب هذه الأيام ونسأل الله أن يهدينا جميعاً وأن يرشدنا الطريق القويم - وعلينا يا معشر الشباب أن نتقى الله فى أنفسنا وفى بعضنا البعض { ومن يتقى الله يجعل له مخرجا ويرزقه من حيث لا يحتسب } سورة الطلاق آية 2-3

!!...حكم الشات بين البنت والولد...!!

السؤال :
ما رأيكم في التحدث مع شاب عبر الانترنت مع علم الأهل حيث أنه يعدني بالزواج؟
تخيلو كده يعني ده بعلم الاهل امال لو مكنش كده كمان !!
المفتي:
حامد بن عبد الله العلي

الإجابة:
لا يجوز للرجل ولا للمرأة المسلمة أن يسعى كل منهما في تكوين علاقة حب قبل الزواج، وإنما هذا الحب في الإسلام يكون بعد الزواج، لكن إن حدث أن امراة بسبب ظروف ما أحبت رجلا، أو رجل بسبب ظروف ما أحب امرأة،
فهذا أمر فطري لا ينكر، لكن الإسلام أوجد الحل الشرعي لذلك وهو الزواج.
وهذه العلاقات بين المرأة والرجل قبل الزواج كثيرًا ما يقع بسببها أمور لا تحمد عقباها. وإذا كان الرجل يريد امرأة زوجة له، فيجب عليه أن يتوقف عن الاتصالات الهاتفية وعبر الإنترنت، ويتوجه ليخطب المرأة من أهلها للزواج على وفق ما يرضي الله تعالى ثم يكتب الكتاب.
وإلى أن يتم ذلك، فالواجب عليهما قطع الاتصالات سواء عبر الإنترنت وغيرها، ولا يحل في حكم الله تعالى أن تخاطب المرأة رجلا ليس من محارمها يتبادلان الأحاديث المطولة والغرامية، فيفتح باب للشيطان يدخل منه إلى الحرام، والواجب على الرجل أن يتجنب الحديث مع المرأة التي ليست من محارمه إلا خارج نطاق ما يسمى علاقات الحب، وعند الحاجة فقط.
ويجب على المرأة المسلمة أن تحافظ على ثلاث مسافات بينها وبين الرجل الأجنبي، وهي:
-مسافة من الحجاب الشرعي
- مسافة من الأدب في الخطاب عند الحاجة فقط بعيدًا كل البعد عما يسمى الحب
- مسافة ثالثة تبعدها من تكوين أي علاقة حب قبل الزواج وإن وقع في نفسها حب رجل رغمًا عنها، تعففت واستعفت وامتنعت عن الاتصال به حتى يخطبها فيتزوجها، وكذلك الرجل إن وقع في نفسه حب امرأة ما رغمًا عنه، فالواجب عليه أن يخطبها ليتزوجها، فإن لم يستطع ذلك يتعفف ولا يتصل بها ويصبر محتسبًا الأجر عند الله تعالى ويبتعد عنها ولا يكلمها البتة.
هذا هو أدب الإسلام، وبه يحفظ الرجل دينه وعفته، وتحفظ المرأة المسلمة كرامتها وعفتها وشخصيتها وترفع قدرها وتصون شرفها وتعلو منزلتها.
وكم حدثت من مآسٍ ومصائب بسبب المحادثات عبر الإنترنت، وكم أدت إلى الوقوع في الحرام، وكم خدعت به شابة مسكينة وكم سقط فيها شاب في حبائل الشيطان، وكم استطاع أهل الفجور ابتزاز بنت جاهلة وقعت في حبائلهم، ومعلوم أن هذه العلاقات غالبًا ما لا تؤدي إلا إلى الإثم والخسران، وحتى لو أدت إلى الزواج فهي طريق غير مشروع، ولهذا فغالبًا ما يستمر مع الزوج الشك بعد الزواج في هذه الزوجة التي كانت تحادث الرجال بلا حياء، ويتساءل ما الذي يمنعها من محادثتهم بعد الزواج.
وكذلك تشك الزوجة في هذا الزواج الذي لم يمنعه دينه ولا عفته أن يقيم علاقات مع النساء قبل الزواج، فما الذي يمنعه من فعل ذلك بعد الزواج، والشك يهدم الأسر.
ومع أنه قد يتوب الرجل والمرأة ويصلح حالهما بعد الزواج، ولكن هذه العلاقات غالبًا ما تؤدي إلى الفشل والانهيار لأنها بُنيت على الحرام، ولهذا فنصيحتنا لكل فتاة أن تقطع أي علاقة لها مع الجنس الآخر، والعكس.
وإذا كان ثمة علاقة سابقة بين شاب وفتاة، فعلى الشاب أن يتقدم لخطبة الفتاة والزواج منها، وإلى أن يحين ذلك الوقت، لا يقيم معها أي علاقة. والله أعلم.

فصل الربيع ..

2010-01-26T02:52:00.003+02:00

حيث نلتقي مع فصل الربيع بغير موعد.. فصل التجدد والامل ....لقد اشرقت الشمس ...
وتبدو الازهار مُبتسمة للندى... تتطايرالفراشات في كل مكان والخضرة تملأ المكان ...
اجلس وحدي كعادتي ابدأ بالتفكير في .... يوقف تفكيري صوتٌ من بعيد ينادي اسمعه ..
احاول تمييزه .. نعم اعرف هذا الصوت وقد اقترب الصوت اكثر مني أسمعه بوضوح واقترب واقترب و....
فجأه لم اعد اسمع شيئاً ..ذهب الصوت واختفي هل لم يكن هناك أحد من الاساس؟؟
ام اني فقدت حاسة السمع؟؟ ام كان يخيل لي هذا ؟؟!!
بعدها بفترة أدركت اني كنت احلم.....واستيقظت من الحلم ..
بالرغم من غرابة هذا الحلم ..!!
الا اني تيقنت شيئاً واحداًً ... اني أقع في ...... ولن استطيع أن اتخلي عنه بعد اليوم ..
احلم بحياة ورديه ليس لها مثيلٌ معه ... اشعر بالدفئ والامان كلما تذكرته.... فإذا كان لا يغيبُ عن بالي ..
.. فماذا اذاً شعوري ؟؟
انه فصل الربيع ... احبه وسأظل احبه وازداد حبي له بعد هذا الحلم الغريب ....

----
كلمة علي الهامش......بمناسبة اسم المدونة زهرة الخريف وهنا فصل الربيع
واحنا اصلا في فصل الشتا ....اظاهر انها تخاريف امتحانات....
ربنا يستر علينا من الكلية دي

قصيدة للإمام الشافعي رضي الله تعالي عنه

2010-01-18T21:46:00.002+02:00

دع الأيام تفعل مـا تشـاء ** وطب نفساً إذا حكم القضاء

ولا تجزع لحادثـه الليالـي ** فما لحوادث الدنيا من بقـاء

وكن رجلاً عن الأهوال جلداً ** وشيمتك السماحـة والوفـاء

وأن كثرت عيوبك في البرايا ** وسرك يكون لهـا غطـاء

تستر بالسخاء فكـل عيـبٍ ** يغطيه كمـا قيـل السخـاء

ولا ترى للأعادي قـط ذلاً ** فإن شماتـه الأعـدا بـلاء

ولا ترج السماحة من بخيلٍ ** فما في النار للظمـآن مـاء

ورزقك ليس ينقصه التأنـي ** وليس يزيد في الرزق العناء

ولا حزن يدوم ولا سـرور ** ولا بؤس عليك ولا رخـاء

إذا ما كنت ذا قلـب قنـوعٍ ** فأنت ومالك الدنيـا سـواء

ومن نزلت بساحته المنايـا ** فلا أرض تقيـه ولا سمـاء

وأرض الله واسعـة ولكـن ** إذا نزل القضا ضاق الفضاء

دع الأيام تغدر كـل حيـنٍ ** فما يغني عن الموت الـدواء

=-=-=-=-=-=
بتعجبني جداااااا القصيدة دي وكمان البيتين دول

نعيبُ زماننا والعيب فينا... وما لزماننا عيبٌ سوانا
ونهجو ذا الزمان بغير ذنبٍ... ولو نطق الزمانُ لنا هجانا

ForEver

2010-01-18T21:06:00.000+02:00

I'll Give You My Heart Forever .. So Keep It In Your Eyes .. Otherwise

ثق بي !

2009-12-29T22:41:00.004+02:00

أبحرت معك في عالم من الخيال..
لا أدري الي اين ولكني اثق بك..
عالم جميل يملأه الحب والتسامح..
لم أري مثل هذا من قبل ورأيته..
معك نعم .. معك انت يا حبيبي..
قلمي لايستطيع ان يصف عالمك!
فعندما يحدث أمراً ما يزعجني..
لن اعتبره الا كابوس وسينتهي..
لاني اعتدت علي هذا في عالمك..
فقط أريد ان اقل لك ثق بي..
فإنــــــــــــــي لن اخذلك يوماً..

تعلمت أن....

2009-12-20T22:25:00.002+02:00

تعلمت أن التنافس مع الذات هو أفضل تنافس في العالم،
وكلما تنافس الإنسان مع نفسه كلما ازداد تطوراً،
بحيث لا يكون اليوم كما كان بالأمس،
ولا يكون غداً كما هو اليوم.
تعلمت أن المتسلق الجيد يركز على هدفه ولا ينظر إلى الأسفل،
حيث أن المخاطر تشتت الذهن.

تعلمت أن..

2009-12-18T20:40:00.001+02:00

حد عنده ألعابه لغاية دلوقتي ؟؟

2009-12-11T23:54:00.004+02:00

كلنا كان عندنا ألعاب واحنا صغنين ... بس حد عنده ألعابه لغاية دلوقتي او شوية منهم ؟؟
الألعاب دي ليها ذكريات حلوة قوي ^_^
ومش ممكن اديها لاي حد مهما كان ..وكفاية اللي ضاع منها
الألعاب دي عندي من قبل اولي ابتدائي يعني تقريبا من 14 سنه .. وكمان معظمها مش من اي مكان في الدنيا ... من مكة والمدينه المنورة
عشان كده لسه معايا ..بحب قوي الايام دي

نبدأ بأول لعبه اللي خلتني اكتب البوست ده... يمكن تفتكرو انتو كمان الايام الجميلة دي

تم انقاذ التليفون اليوم من معاناته فوق الدولاب 7 سنين وتم ترميمه كما هو واضح في الصورة السابقه
كنت بحب قوي التليفون ده كل رقم بيتكلم لما ادوس عليه وطبعا كنت بعمل بيه حواديت جميله ..
ماما كانت جيباهولي من مكه
بس للاسف اتكسر وكل حاجه فيه راحت في حته... وليه حكايه مأساوية ..
بس جمعته ولزقته وبقي جميل تاني.. بس طبعا مش بيتكلم

اللعبة دي لسه عندي بالعلبة بتعتها .. متهيألي معروفه
دي زي افلام كده لأماكن من مكه والمدينه المنورة ومكتوب عند كل صورة المكان بتعها ^_^

دي بقي لعبتي المفضلة المفروض
بجد كانت لعبه جامدة ... عشان كنت بحط فيها اكل حقيقي .. ونمثل بقي ..
اللي فاكراه اني عملت لبن بكاكاو مرة وحطيته في الكوبايات ..بس ده تقريبا كان من ورا ماما
مرة كانت بتعمل عمرة هي وبابا وسبونا في الفندق لوحدينا طبعا لازم نستغل الموقف
ضاع منها معلقة وشوكه وسكينه وبتاعه كده مش فاكرة اسمها ايه
العلبة بتعتها اتكسرت الحته اللي بتثبت نصها اللي فوق مع اللي تحت سعتها زعلت قوي عشان كانت لسه جديدة
وواحد صاحب بابا صلحها ربطها بسلك وعمله بالكماشه
بس وده الباقي معايا دلوقتي

اللعبة دي بقي كنت بعمل بيها حواديت جامدة ..برضه كانت من السعودية
الدولاب والكمودينو دول بيتفتحو .. تقريبا اللعبه دي مضعش منها حاجه
بس ياعيني الراجل ايديه مكسورة اختي الصغيرة " كان عندها سنتين تقريبا " كان تقريبا عندها هواية التخريب
كنت ارجع من المدرسة الاقيها رامية كل الالعاب علي الارض وطبعا لازم حاجه تكون متكسرة
ده غير كمان الحجات اللي كانت بترميها من البلوكنه والمشكلة انها كانت بتبقي مبسوطه قوي وهي بتعمل كدة
ده مكنش مع اللعب بس اي حاجه تلاقيها قدمها كانت بترميها من البلكونة
بتحب تنضف البيت اول بأول وطبعا مش بنكتشف ان حاجه اترمت الا بعد فترة ..

من اول هنا بقي من مصر

فاكرين الحجات دي ؟؟
بمناسبه الحجات اللي بجمعها دي كانت بتطلع في الشبسي زمان في منها زي puzzle
طبعا كنت اعد اجمع عشان اكمل الشكل وفي الاخر برضه مش بيكمل..:(

لعبة الدكتور دي علي اساس اني هبقي دكتورة يعني
واحنا صغيرين مش بنبقي فاهمين حاجه وتقريبا اكتر تعامل لاي طفل بيبقي مع مدرس او دكتور
معظم الاطفال بيشوفو ان الدكتور ده حاجه كبيرة قوي ...ده غير كلام الاهل كمان ..
يارب اشوفك دكتورة وكلام من ده ...
بعد كده بنفهم بقي ونقدر نحدد وفي الاخر معظم الناس مش بتدخل الكلية اللي هي عاوزها ..
بس اكيد ربنا هيختار الاحسن ليك ... وطبعا حاسبات اجمد كلية
كنت بحب قوي لعبة الدكتورة دي ... بعمل فيها الدكتورة بقي واكتب الدوا وامضي في الاخر اسمي
ومعاها صورة زي آشعه كده .. ده غير العمليات اللي عملتها .. ولو دكتورة اسنان بقي
بس بجد كانت لعبة حلوة كنت بلعبها مع اخواتي

اخر لعبة دي اكيد كانت عندنا كلنا ... كان في واحده كبيرة بس مش باقي منها اي حاجه
انا اللي بوظت اللعبه دي فتحتها عشان اعرف هي بتدور ازاي وفكيت الزمبلك ومعرفتش اركبه تاني
السمك كان بيقفل بؤه بسرعه قوي عشان اكسب كنت بمسك السمكة واحط السنارة عليها
هيييييييييه كانت ايام حلوة

لو ترسم بسمة ؟!!!

2009-12-07T00:59:00.002+02:00

تقول إحدى الكاتبات :
رأيت اليوم فيديو قصير ولكنه ترك في نفسي أثراً كبيراً
" كانت هذه الفتاة الصغيرة التي لا يتجاوز عمرها الست سنوات بائعة المناديل الورقية
تسير حاملة بضاعتها على ذراعها الصغير
فمرت على سيدة تبكي
توقفت أمامها لحظة تتأملها
فرفعت السيدة بصرها للفتاة والدموع تغرق وجهها
فما كان من هذه الطفلة
إلا أن أعطت للسيدة مناديل من بضاعتها
ومعها ابتسامة من أعماق قلبها المفعم بالبراءة
وانصرفت عنها
حتى قبل أن تتمكن السيدة من إعطائها ثمن علبة المناديل
وبعد خطوات استدارت الصغيرة ملوحة للسيدة بيدها الصغيرة ومازالت ابتسامتها الرائعة تتجلى على محياها .
** عادت السيدة الباكية إلى إطراقها ثم أخرجت هاتفها الجوال وأرسلت رسالة
((( آسفة ... حقك علي!!! )))
*** وصلت هذه الرسالة إلى زوجها
الجالس في المطعم مهموم حزين !!!
فلما قرأها ابتسم
وما كان منه إلا أنه أعطى ( الجرسون ) 50 جنيهاً
مع أن حساب فاتورته 5 جنيهات فقط !!!
***عندها فرح هذا العامل البسيط بهذا الرزق الذي لم يكن ينتظره
فخرج من المطعم
ذهب إلى سيدة فقيرة تفترش ناصية الشارع تبيع حلوى فاشترى منها بجنيه
وترك لها 20جنيه صدقة وانصرف عنها سعيداً مبتسماً !!!
*** تجمدت نظرات العجوز على الجنيهات
فقامت بوجه مشرق وقلب يرقص فرحاً
ولملمت فرشتها وبضاعتها المتواضعة
و ذهبت للجزار تشتري منه قطعاً من اللحم
ورجعت إلى بيتها لكي تطبخ طعاماً شهياً وتنتظر عودة حفيدتها وكل ما لها من الدنيا
جهزت الطعام و على وجهها نفس الابتسامة التي كانت السبب في أنها ستتناول ( لحم )
لحظات وانفتح الباب ودخل البيت الصغيرة بائعة المناديل
متهللة الوجه
وابتسامة رائعة
تنير وجهها الجميل الطفولي البريء !!! "

ّّّ=======

يقول رسولنا الحبيب صلوات الله وسلامه عليه :

<< تبسمك في وجه أخيك صدقة >>

ما رأيكم لو أن كل منا حاول أن يفعل كما فعلت هذه الطفلة الرااااااائعة
ماذا لو حاولنا رسم ابتسامة من القلب على وجه مهموم
لو حاولنا رسم بسمة بكلمة طيبة
بلمسة حانية على كتف أم مجهدة .... أب مستهلك
بمحاولة مسح دمعة انحدرت من قلب مثقل بالحزن
بصدقة قليلة لمتحاج لا يجد ثمن رغيف الخبز
بهدية بسيطة لمريض حبسه المرض
برفع سماعة الهاتف للسؤال عن رحمك
الذي لم تسأل عنهم منذ العيد
بالمسح على رأس يتيم وجد نفسه كفرخ طير في مهب الريح
هناك طرق كثيرة لا تعد ولا تحصى لرسم البسمة على وجوه الآخرين
فقط لو خرجنا من أحزاننا ورسمنا البسمة على شغاف قلوبنا
لو تذكرنا نعم الله تعالى التي أنعم بها علينا ..
لو لم نسخط على ما فاتنا من حظوظ
لو رسمت بسمة على وجهك فسترى الدنيا مشرقة

(( كن جميلاً ترى الوجود جميلاً ))

بسببك

2009-12-04T22:37:00.008+02:00

اي حد بيتألم لما يشوف حد بيتألم .. لكن لما يكون اللي بيتألم ده بسببك
بسببك عشان مجرد انك موجود في الدنيا دي ..!!
وانت مش قادر تعمله حاجه واقف تتفرج عليه من بعيد ومش عارف تعمل ايه
كأنك بتفرج علي فيلم مأساوي وانت بطل من ابطاله ..!!
لما تتمني انك متبقاش موجود في الدنيا عشان متتحطش في الموقف ده
وعندك الموت اهون من انك تشوف حد بيتألم بسببك....في نفس الوقت
لو ادخلت ممكن تجرحه ..بسبب موضوع ملكش ذنب فيه ..علاقتك بالناس
وفكرتهم عنك تتغير ... لما متلاقيش حل غير انك تحاول تخليه يكرهك
او تشوه صورتك ادامه .... عشان يبعد عنك ... ويكون اهون عليك
من انك تجرحه... حاجه زي كده لما تتكرر معاك اكتر من مرة بجد مش سهله
لما تصعب عليك نفسك بعد كده لما تشوف الناس فاكراك ازاي
تبقي بجد في حالك ومبتأذيش حد وبالرغم من كده الناس بيؤذوك ان كان بكلام
او اراء او غيره ..... لما تعجز انك توضح حاجه عشان مينفعش تتكلم فيها
و تتمني تسعد الحد ده لكن مش بإيدك...بسببك بجد كلمه صعب ان اي حد يتحملها

احلي يوم نحر ان شاء الله ^_^

2009-11-25T01:54:00.005+02:00

اول مرة احس ان عيد الاضحي جه فجأه كده مش زي كل سنه ببقي مستنيه العيد
يمكن عشان بقينا مشغولين اكتر السنه دي في الكليه مش زي قبل كده
وحتي ال 10 ايام دول مش عارفين يدونا فيهم ايه نبدأ في مشروع البرولوج
ولا الاسمبلي ولا السيستم..... ده غير كمان الواجبات بجد انا بقيت بحس اننا عاملين زي ابتدائي
كان المدرسين يدونا واجب زياده لما يكون في اجازة زي كده .. حتي الاجازة فيها واجب
يلا ربنا معانا

عجبني الخروف اللعبه اللي في الصورة اللي فوق دمه خفيف ^_^
المهم اني مبسوطه قوي ان العيد خلاص يوم الجمعه اكيد العيد ده بيكون ليه طعم تاني
خصوصا انه في موسم الحج
بيبقي يوم جامد بطلع اتفرج علي بابا وهو بيدبح من بعيد لبعيد مش جبن ولا حاجه
انا مبحبش شغل المياصه ده بتاع البنات اللي تقول مقدرش اشوف الحجات دي والكلام ده
بس عشان مفيش حاجه كده ولا كده تيجي عليا
ده العيد ميبقاش عيد الا لما اتفرج علي الاضحيه وهي بتدبح مع انها بتبقي صعبانه عليا
بنجيبها قبلها بفترة كده تلاقيها بسبع ارواح وتجري ومنعرفش نمسكها وتيجي في اليوم ده
زي ما تكون عارفه مصيرها .. واقفه كده ومستنيه ..سبحان الله
بجد بيبقي يوم جامد بغض النظر عن اني بتدبس احيانا في تنضيف حجات كده مش تمام
مش هقولكم عليها عشان سهل تخمنوها يعني ..
المهم اني لسه باخد عديه
ربنا يوصل كل الحجاج سالمين لاهاليهم ويحفظهم من اي شر
واتمني لكل الحجاج حج مبرور وذنب مغفور وان يتقبل الله لهم حجهم
ويسهل عليهم الحج السنه دي ويرجعك لينا يا منمن انتي وعمو بالف سلامه
وعقبالنا يارب...
ويارب يكون احلي عيد علي الامه الاسلاميه
كل سنه وانتم طيبين

حبة أمل

2009-11-10T22:04:00.005+02:00

جمال المعنى بياخدنا
نتوه جواه ولا ندراش
بغير حبة امل فينا
تكفينا
وعزم بيحتوى قلوبنا
يخلينا
مبنخافشى من الاحراش
وصدق القول بيحمينا
ندوب وياه
يدوب فينا
عشانه نعيش ونتحمل
وبيه الدنيا تتجمل
ينور خطونا بضياه
وايه يعنى الالم زايد
وايه يعنى الدموع دى كتير
دا مش ممكن سبب واحد
يخلينا نبطل سير
نعافر حبه ليه لاءه
ونرضى ناكلها بالدُقه
لكن بالذل ما نرضاش
عشان ما نعيشها بالاخلاص
ونروى شجرة الاحساس
ضرورى نلتقى لذاتنا
ملامح واضحه ف حياتنا
ونلحق اى شىء فاتنا
عشان ما تضعيش منا بلاش

محمد سعيد

وليه نحزن؟؟

2009-11-06T15:26:00.005+02:00

و ليه نحزن ؟
ما دام نقدر نعيش الفرْح
و نشطب من معاجمنا معاني الجرح
و نمحي لون سواد غيّم على عنينا
بمحايه
عشان نقدر نشوف الشمس
نور الشمس
ننسى إيه يكون اليأس
و في ساعة صفا نرسم
في كراسة الحياه ورده
و ياسمينه
و شجرة توت و ضلايه
و عصفورة لصاحبتها
بتهمس همس .
***
فتحت اليوم شبابيكي على الدنيا
و كان الوقت وقت شروق .
لقيت الناس
كتير أجناس
برغم جراحها فرحانة
دا رايح شغله من بدري
و دا ماشي
و دا بيجري
و دي بتنادي يا أوطة و يا بطيخ
و دا رايح على غيطه و شايل فوق كتافه الفاس
و وسط المعمعه جاني
يا صاحبي صوت و كان مخنوق
ينادي يقول يا تسنيمي
عليا قومي سدي الباب و خليني
أعيش وحدي بأحزاني
دا انا اللي فيا يكفّيني
جاوبت الصوت
بقلب حنون ملاه الشوق
بلاش الحزن ليه نزعل
و ليه دايما نبص لتحت لو نقدر نبص لفوق .
***
و ليه نحزن
مادام نقدر نشوف أحلامنا في مرايه
و نلقى اصحابنا حوالينا
في وقت الشدة يحمونا
و ايدهم لينا ممدوده
تعدي بينا سكتنا اللي مسدوده
و ليه دايما نبص لنص كوبايه و كان فاضي
مادام نقدر نبص لنصها المليان
دي هي الدنيا يا صاحبي كدا حالها
تبات مهموم تقوم فرحان
و عجلة يومها ما وقفت عن الدوران

جمال مرسي

من اجمل ما قيل عن ام الدنيا ...

2009-10-26T21:54:00.007+02:00

قالولى بتحب مصر .. قلت مش عارف
أصل المحبة بسيطة و مصر تركيبة
و مصر حلوة و مرة و شرحة و كئيبة
دانا اختصر منصب الشمس وأقول شمعة
ولا اختصر مصر وانده مصر يا حبيبة

(تميم البرغوثى ..... من قصيدة قالولى بتحب مصر)

يا مصر و انتى الحبيبة
و انتى اغترابى و شقايا
دانتى الجراح الرهيبة
و انتى اللى عندك دوايا

(أحمد فؤاد نجم .... من قصيدة يامه مويل الهوا)

وأنا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
بحبك وحبك شهادة ميلاد
عيونك شواطى الأمل والميعاد
ولما تهز الرياح فى نخيلك
وتدمى الجراح
الجراح مواويلك
ميدبلش ضيك
ميخلصش زيت قنديلك
يغيب ياما قمرك
وتشرقى تانى فى ليلك
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
وانا حرف تايه فى اسمك
لون صغير فى رسمك
وانا خيط فى شمسك
فى همسك
فى بكرة اللى جاى قريب
وانا ويا شمس المغيب باغيب وانتى بتشرقى
بتكدب الحقايق فى العالم الغريب وانتى بتصدقى
يابلادى
يابلادى
يابلادي

(شمس المغيب للرائع ...عبد الرحيم منصور)

ده بمناسبة حادثة القطارين بتاعة العياط (اول امبارح)...!!

لغاية امتي بقي الاهمال ده !!
ارواح الناس رخيصة قوي ... العبارة وقطر العياط اللي اتحرق قبل كده وكمان حادثه اهي
وايه اللي بيحصل ولا حاجه ..!!
تعويض مالي لاهالي الضحايا ..!!
وكمان الحاجه الغريبه بجد اعداد الضحايا اللي بتعلنها الجهات الرسميه
ده بجد لو كانت حادثه 2 ميكروباص مع بعض هتكون اكتر من كده ..!!
واكيد في الحلات اللي زي دي هتلاقي كل واحد بيقول سبب في الحادثه ..!!
دي كده حاجه تانيه "الاشاعات"
مما قيل من الاسباب ...
اقلها قوي لما قطر يتعطل ميقدرش يبلغ برج المراقبه
عشان جهاز اللاسلكي كمان متعطل بقي ده اسمه كلام ..!!
وبعد كده يقولو ان الموظف بتاع برج المراقبه كان من الضحايا ..!!
طيب نصدق مين ..!!
ربنا يصبر اهالي الضحايا ... :(

لا حول ولا قوة الا بالله

2009-10-26T20:48:00.006+02:00

هواية ......

2009-10-23T10:45:00.016+02:00

هواية جمع العملات المعدنية
انا عارفه انها هواية عيالي شويه وولادي شويتين :D
بمناسبه العملات الجديدة ....
كنت بجمع من وانا في اولي ابتدائي بس طبعا كنت بصرفهم في الاخر :D

والصورة دي فيها اللي اتبقي معايا منهم لغاية دلوقتي

ريال سعودي ( 100 هللة ) ده اصدار 1396 هــ
ونص ريال سعودي (50 هللة ) اصدار 1408 هــ
وقرش سعودي (5 هللات) اصدار 1400 هــ
وقرش مصري بقي (10 مليمات ) اصدار 1393 هــ - 1973 م

يمكن عشان مينفعش اصرفهم :D

في اولي اعدادي كنت بجمع الارباع دي وكنت عاوزة اعمل منهم غوشة او ميدالية اي حاجه كده يعني
وجمعت بتاع 20 كده وبعدين راحو لمصيرهم في الاخر :D

العملات الجديدة اللي عملوها دلوقتي دي بقي عجباني جدا وبجمع منها
الجنيه والنص جنيه والربع جنيه (ده بقي عجبني جدا ) والبريزة الجديدة :D

بغض النظر عن ان حجمها بيتلاشي مع الزمن ده القرش بتاع زمان اكبر من بريزة دلوقتي ..
كان في بريزة كمان اكبر من كدة بس مش معايا حاليا :D

لسه بقي مشفتش ال 10 جنيه الجديدة ^_^

~~~~~~~~

دي بقي هوايه بناتي وبمووت فيها
بدأت تقريبا اعمل عرايس في 3 ابتدائي بس كانت عرايس معاقه :D
بتاعه زمان دي ... عارفين اللي هو تجيب القماش وترسم عليه الشكل بتاع العروسة
وتقص الشكل ...... وفي الاخر ترسم العنين بالقلم ورموش بقي وبتاع :D
كل العرايس اللي عملتها قبل كده اللي اتقطعت واللي باظت واترمت يعني حجات من هذا القبيل ...
دي اخر عروسة عملتها دي بقي وانا في 2 جامعة
بس دي لسه عايشة الحمدالله :D

الصورة دي بقي انا مصورها عشان تشوفو الطاقية بتعتها مش عشان حاجه تاني :D

دي العروسة اللي جبتها معايا مرة الكلية :)
واسمها "نور"
وطبعا زي ما انتو شافين هي لابسه شتوي كده علطول وعنيها دي زراير :D
وانا اللي عاملة الفستان بتعها ^_^
ربنا يخليلي ماما بقي هي اللي علمتني الكورشي والخياطة ^_^

صورة أعجبتني ..

2009-10-16T23:11:00.006+02:00

الصبر مفتاح الفرج

2009-10-16T02:59:00.001+02:00

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

صلاح جاهين

ميـن بيعيـش اكتـر مـن عمـره

2009-10-10T13:44:00.003+02:00

مش مستهله الدنيا يا صاحبى
ان تخـدهـا جــد ف جـد
ولامستهـله تبـات زعــلان
ولامستهـله تخـاصم حـــد

همـه يومين بالطـول والعرض
بنقضيهـم ســـوى ع الارض
مـا تمشيهـا وتضحـك فيهـا
واحسـب كـام كان عمـر الورد

بكـره ده غيب ما تسيبه ف حاله
مشغـول ديمـا ليـه باحــواله
مهـو امبـارح يـوم كـان بكره
عـده وبكـره وبعـده بدالـــه

مـال الدنيـا يـا صاحـبى قليـل
قـدام قلـب يعـانى عليـــــل
ده المستـور فـى الدنيا وراضـى
اسعـد مـن يمـلك وذليـــــل

انـا مـا بقولش تمـوت م الجـوع
بـس كمـان مـا تعيش مفجــوع
نـص البطن يـا صـاحبى كفـايه
اللـى بيملـى كتيـر موجـــوع

صـلى واحسـن يـوم حتـــلاقى
اللــى عمـلته فـى عمرك باقـى
وان كـان ليـك ف الجنه نصـيب
يبقـى اكيـد ضحيـت وفدائـــى

ميـن بيعيـش اكتـر مـن عمـره
ولا بـايده يمـلك امـــــــره
المكتـوب مـا فـى منـه هــروب
اطمـع فـى الله واطـلب كـــرمه

مـش مستهـله الـدنيا يـا صاحبى
مـش مستهـله ... مـش مستهـله

م ن ق و ل - م ن - م ن ت د ي

2009-10-07T19:18:00.003+02:00

نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

صلاح جاهين