مناسبة خاصة

وفقا لتقاليدي الخاصة انا ومدونتي برضه زي كل سنة بحتفل

انهاردة 1-6-2013

 بـــ عيد ميلاد المدونة..    

كملت كدة 4 سنين..  

كل سنة واحنا طيبين..

ياااه مكنش يجي في بالي خالص ايام الكلية اني هشتغل كذا  ولا هقابل كذا ولا اي حاجة خالص من الاحداث اللي عدت حاسة ان حاجات كتير قوي حصلت في وقت صغير , الحمدلله ربنا كرمني بـ حاجات كتير منها شغل كويس مش هقول مكنتش احلم بيه بس ممكن كتير يتمني انه يكون مكاني واكيد خير ليا , بقيلي تقريبا 7 شهور من اول ما اتعينت عدو بسرعة قوي ومحستش بيهم مكنتش اعرف ان في حاجة اسمها تقرير صلاحية بيتعمل بعد ما اكمل 6 شهور والحمدلله طلعلت صالحة للعمل :D حاجة غريبة الحكومة دي يعني اللي هيتكب في تقريره انه غير صالح هيترفد يعني طبعا لا ^_^
اكتشفت الشغل ده عالم تاني خالص غير الدراسة في كل حاجة في التفكير والتعامل والاخطاء والجزاء.... , حاجة كانت جديدة عليا فعلا  كانت صعبه في الاول شوية ويمكن كنت بخبط  بس الحمدلله دلوقتي كل حاجة بقت احسن بكتير من اول فترة وبقي عندي حالة برود نوعية من اي حاجة ودي حاجة كويسة :)
 

بحب الصورة دي قوي ليها ذكريات حلوة عندي وحشتني قوي الايام دي

 

 

أحلي حاجة ...

 في أي موقف يحصلنا ان كان حلو أو وحش ...

 اننا بنتعلم منه .. الحمد لله ^^

O_o

مرة واحد خريج حاسبات اتعين في الحكومة بقي اسمه أخصائي احصاء

تموت من الضحك ^^

------

26-12-2012 

علي فكرة..

اتغير بعد كده

أحسن أكون عملت إحباط  لحد ولا حاجة ^^

اللهم دبر لنا أمورنا فنحن لا نحسن التدبير ..
يارب باركلنا واكرمنا يارب ..
يارب اقدر لنا الخير وارضنا به ..

ابداعاتي ومُستخرعاتي^^ (صندوق)

المرة دي صندوق  ^^

وادي صورته 

الخامات والأدوات المستخدمة    :

- خشب ابيض

- خشب زان (اطار الغطا)

- خشب ابلكاش

- مفصلات,رزة,مسامير بورمة, كيلون

-مسامير صغيرة 

-قطر 

- قلم اسود , مسطرة

-سنفرة

-مفك , كماشة,شاكوش, منشار

-ورنيش خشب , فرشاة للورنيش

- غراء ابيض

تفانين (العسكري) ^^

بقيلي كتير محطتش الإبداعات الخطيرة بتعتي

عملت الفترة اللي فاتت كذا حاجة 

وده منهم 

مفروض اني بعمل شفونيرة اللي بتبقي في أوضة النوم .. بتوع الموبيليا بيقولو عليه عسكري

 طب مفيش ظابط  ؟؟

دي صورة وهو مفكك.. شوفو الدرج صغنن ازاي

الخامات والأدوات المستخدمة بقي:

- خشب مناسب ( أبلكاش , خشب ابيض, خشب زان (ساند الدرج))

 - غراء ابيض

- ورنيش خشب

- مسامير صغيرة

- 3 مسمار درج

- منشار, كماشة,شاكوش

- فرشاة للورنيش
-سنفرة

بس كده

مناسبة خاصة

وفقا لتقاليدي الخاصة انا ومدونتي العزيزة بنحتفل انهاردة
 1-6-2012
بــ عيد ميلاد المدونة..
كملت 3 سنين ..   

كل سنة واحنا طيبين..  

يارب املئ قلبي بـ راحة لا تتركه ابداً ○◦..

يَآ ربّ آرزقني أيآمَ جَميلہ گ تلگ آلتيَ أحنّ إليهآ .. وأجمل ♥

:From page

من أقوال د/ إبراهيم الفقى

هواية ..

تحت شعار استفد بالحاجات القديمة أو مش قديمة برضه   
عملت انهاردة بقي عائلة  التوك ^_^

الخامات:

- قماش ينفع لتوكة.( يكون مش ناشف يعني )

- استك.

- خيط لون القماش.

- خرز.

- اشكال للتزين.

.......

أول صورة دي طوق ..  أكيد عارفينه

ودي توكة للكعكة (أوعي حد يقولي اسمها كحكة  )

ودي للديل حصان .. 

 

ودي لاخر الضفيرة 

 

صوووووووورة جماعية بقي  

 

أتمني أن يكون قد نال إعجابكم وشكرا علي حسن المشاهدة 

كل سنة وانتي طيبة يا أغلي الحبايب يا أحلي أم في الدنيا كلها
ربنا يخليكي لينا يارب 

لـ يـ تـ  ○◦..  بـ عـ ضـ  الأ مـ ور

 تـ ظـ لـ  عـ لـ يـ  بـ دايــ ـاتـ هـ ـا○◦..!

غالباً ○◦..
 ما يكون الواقع مختلفاً عن  تخيُلنا أو ما حلمنا به ○◦..
ولكن ○◦..
 نحب الواقع كثيراً فقط لتواجدهم به ○◦..
يارب لاتحرمني من وجودهم  ♥
  

عندما ○◦..
تجد الاهتمام من أُناس لا تنتظر منهم ذلك ○◦..
فحقاً ○◦..
يصعب نسيان الهُجران ممن كنت تنتظرهم ○◦ ..
ولكن○◦..
حينها يجب أن تكتمل الصورة اياً كان  ^_^


علي الهامش:
أنا عارفة ان اللي هيقرا الكلام ده مش هيفهم حاجه
فــ  دخلو من هنا وطلعو من الجنب التاني :D
مجرد هلاويس ..

شكراً ♥

كُلمـــــــــا جلستُ وحدي ○◦

تجولت ذكرياتٌ في قلبي ○◦

فنبض قلبـي لك بـــ حُبي ○◦

وأراد أن يقل  لكــــ ○◦

 شكراً  ♥

*_^

أُحبك ربي ♥

اللهم لك الحمد ولك الشكر ♥ ..

يارب ارح كل من لي محبة في قلبه .. كما ارحتني يارب العالمين ♥♥

واسعدني بــ سعادة  كل من يهمني أمره ويهتم لأمري ..

آمين يااااارب العالمين 

اخر التفانين .. زيتونة ^^

هوايتي الجميلة 

بقيت أحب اعمل عرايس قوي مش عارفه ليه 

اللي قبل كده كانت وانا في 2 جامعة .. دي عروسة التخرج بقي ^^

واسمها زيتونة ...  حتي شبة الزيتونة اهي .. أو شبه زيتونة اللي في باباي 

الخامات:

 - قماش ابيض للجسم

- قماش ملون للطقية واللبس والجزمة .. اي باقي قماش قديم او حاجه قديمة مش محتاجينها ^^

- شريط ستان للفيونكة

- لولي او أي حاجه للتزين

- خيط تطريز للعنين والبق

- خيط صوف للشعر

- زرار للمناخير^^

- فيبر للحشو

اسيبكم مع الصور بقي 

هنا وهي بتدلع فوق اللاب..

رجل علي رجل مش اي عروسة بقي دي زيتوووووونة 

صورة من ورا مهمه جدا طبعا 

هنا بقي عشان تشوفو الفيونكة 

اسمها زيتونة بس رومانسية جداااااا حتي ماسكة وردة اهي