المعاكسات والاشتغالات والحوارات

حبيت انهارده اتكلم في الموضوع ده عشان بجد

الموضوع ده بقي كتير قوي

يعني انا مش هتكلم علي المعكسات اللي بتبقي في الشارع

لا انا بتكلم علي الاشتغالات بتاعه النت

وطبعا في كذا حاجه

يعني مثلا في بنات وولاد بتشتغل صحابها عادي من باب الهذار وف الاخر

بيقولو هما مين ومش كل الناس بتتقبل الموضوع ده لكن

برضه بيبقي في اشتغالات دمها خفيف بين الاصحاب اهي ممكن تغير

جو الروتين وبتعمل جو مرح ... بس المهم انها تكون اشتغاله بسيطه ودمها خفيف

بلاش تكون تقيله اصل بتقلب في الاخر علي حاجات مش تمام وزعل وكلام فاضي

وفي بنات بتشتغل بنات لو مضايقه منها ولا حاجه لمجرد انها عاوزه تضيقها او تاخد بتارها :D

بجد حراااااااااااااااام عليهم

وفي بنات بتشتغل ولاد ومش عارفه ايه السبب :S

لكن انا اللي عاوزه اتكلم عليه هو الولاد اللي بتشتغل بنات وبتضيقها

يعني السبب ده يخلي اي بنت انها متردش علي اي حد يكلمها عشان

مبقتش عارفه اللي بيكلمها ده عاوز ايه بسبب العينه دي من الولاد

يعني انا رديت اكتر من مره علي حد وفي الاخر يطلع اشتغاله او معاكسه

انا مش عارفه الناس دي بتفكر ازاي

حاجه تانيه بقي تضايق اكتر ان عشان البنت مش بتكلم ولاد

يبقي ممكن اي ولد يقول انه بنت ويتكلم عشان ترد عليه فين كرامته بقي...!!

وده حصل معايا كتير

وناس تانيه مجرد انها تدخل تتكلم بقله زوق عشان مجرد ان البنت مردتش عليه

ويحاول يستفزها عشان ترد

وحاجه بتحصل كتير قوي واحد يدخل يقول انه مخنوق ومش لاقي حد يتكلم معاه

وضاف الميل ده وخلاص وميعرفش صاحب الميل ده مين

ولا عرف منين الميل بقي قال ايه جابه بالحظ :D

مش عارفه بجد بيفكرو ازاي هما فاكرين انهم بيكلمو حد عبيط ولا اهبل...!!

اكيد يعني محدش هيروح يكلم حد ميعرفش هو مين

بجد انا خلاص اتخنقت من كتر الاشتغلات دي

وكل واحد عشان يكلم واحده يألف اي كلام وخلاص عشان يتكلم

وطبعا المصرين ما يتوصوش ف الموضوع ده اكتر شعب ممكن يألف حواديت وقصص

وكمان الحاجه اللي انا مستغربه منها انه عادي ممكن يحلف بالله انه مش بيكدب وانه بيتكلم جد وانه متدين

وفي الاخر برده تطلع اشتغاله يعني مش هامه الذنوب اللي اخدها

مش عارفه ايه المتعه في كده ده بالعكس البنت هتستحقره غير الذنوب اللي اخدها

وبجد حرام عليهم ان في ناس مجرد انها بتتكلم مع اي بنت عشان تضايقها وتقول كلام مش كويس

يعني انا مش عارفه ليه بيعملو الطرق دي عشان يكلمو اي بنت

عادي اي بنت لو اللي بيكلمها ده قالها هو مين وعاوز ايه وهو محترم ..... بكل احترام ايه السبب اللي هيخليها متردش عليه

بالعكس دي هتحترمه انه معملش حركات العيال دي

مش عارفه ليه بقي الكدب والكلام بالف وش....!!

لما تقابل ربنا يوم القيامه هتقوله ايه ....!!

ياريت الكل يتقي الله في افعاله .......

ومش اي حد لاقي نفسه فاضي ومش لاقي حاجه يعملها يقول انا هشتغل الناس ...!!

وفي الحقيقه هو مش بيشتغل الناس ده بيشتغل نفسه.....!!

انا مش عاوزه اي حد يزعل من اي كلمه قولتها

لكن انا حبيت افضفض شويه من حجات كتير انا مضايقه منها وبتحصل كتير معايا واقربها كان امبارح

وفي حجات تانيه كتير كده وحواديت كتير

بجد لو اي حد مكاني مكنش هيستحمل كل ده

يارييت كل واحد يفكر كويس قبل ما يعمل حاجه يندم بعد كده انه عملها

ويكون قريب اكتر من ربنا .... عشان اي حاجه هتعملها هتتحاسب عليها مهما كانت صغيره او تافهه

في كلام كتير ... بس كفايه كده

ياريت محدش يزعل من الكلام ده

وياريت اللي بيعمل كده يحس انه بيعمل حاجه غلط

وان كل الكلام ده ميعملوش حد عاقل ومتدين

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)