المذيعة : سيداتي سادتي اسعد الله مسائكم وبعد التحيه والرغي والكلام ده
اقدم لكم اول حلقه في برنامج مذيعة مجنونه جدا في عالم خيالي
من اولها كده تهزيق ده مش انا طبعا ده اسم البرنامج ... ومعانا انهارده
الضيف الكريم جدا .... حسب الجو ابو التساهيل
حسب الجو ابو التساهيل : شكرا شكرا
المذيعه : اهلا بيك يا فندم البوست نور بوجودك معانا
""الكهربا قطعت ""
حسب الجو ابو التساهيل : احم احم طبعا طبعا
المذيعه : واضح جدا يا فندم .... ( انت يا بني ادم ما تشوف ايه المشكله )
ومع فاصل اعلاني (اعلان الضرائب والحلاق - القانون واضح وماشي علي الكل ..اصحاب المال بيقدمو خدمات للناس لازم فواتيرهم تبقي كاملة ........ الضرائب مصلحتك اولا )
(اعلانات اخري )
" الكهربا رجعت الحمدالله "
المذيعة: عدنا ... ( تيرا ريرا ) بس مش في سبيس تون في برنامج مذيعة مجنونه جدا في عالم انتهازي لا لا قصدي خيالي
بما اني مش محدده هتكلم عن ايه انهارده وده الطبيعي في اي برنامج
ايه رايك يا فندم في موضوع الضرايب مصلحتك عند ابوحميد ده
حسب الجو ابو التساهيل : والله يا بنتي انا مقدرش افيدك قوي في الموضوع ده بس هقولك اللي سمعته
خير اللهم اجعله خير سمعت كده انهم هيعملو ضربيه علي الانتحار
المذيعة : وده ليه يافندم ده حتي كل اللي بسمعه ان الناس بقت مبسوطه و100 فل
حسب الجو ابو التساهيل : لا لا خالص ده هما قررو يعملو كده لما معظم الناس بقت بتهرب منهم بالانتحار
المذيعة : يا ساتر يارب .. لا دي اكيد اشعات .. لا لا مش عاوزه اسمع منك الكلام ده
ومع فاصل غنائي ( الدنيا ربيع والجو بديع قفلي علي كل المواضيع ........)
وبما ان الكهربا قطعت المخرج بيقول للمذيعة ان وقت البرنامج خلص ....
المذيعة : اهلا بيكم مرة تانيه وللاسف وقت البرنامج خلص بسرعه بسبب العطل الثقافي قصدي الفني
احب اشكر ضيفنا الكريم جدا حسب الجو ابو التساهيل ...
حسب الجو ابو التساهيل : شكرا شكرا
المذيعة : ألقاكم علي خير ان شاء الله في حلقة جديدة والسلام عليكم
....................................................
جاتلي فكرة اني اكتب حاجه زي كده من دور كنت بمثله في حفلة التكريم بتاع الجامع اللي كنت بحفظ فيه قرآن بس للاسف رحت فترة كده وخلاص ......
كان دور مذيعه برضه هو كان اسكتش صغير كده بس مش فاكرة هو كان بيتكلم عن ايه عشان ده كان في 5 ابتدائي ...
المهم :D
انا كروت الحلقه دي عشان بصراحه مفيش فكرة في راسي اتكلم عنها دلوقتي وعشان اخد رأيكم في الفكرة عموما مع انها مش جديدة ....
انا مش فاهمة حاجة من البتاع دا يا نوءة :huh:
ردحذفالسلام عليكم..
ردحذفالاسكتش جميل بس هو مختصر شويه كان ممكن يكون اكبر من كدا...
هيه الفكره جميله اوي لو هتقدري فعلا تالفي انتي الحوار هتكون حلوه اوي...
سلام
لا بجد فكرة كوبسة بس عايزة تطبق علشان هتبقي اوضح من كدة ولما تطبقيها ياريت يعني تديني الدور بتاع حسب الجو ابو التساهيل D:
ردحذفسمسم
ردحذفولا انا :D
دي مش حلقه كاملة يا جميل ده مجرد زي عينه :D
عشان اشوف رأيكم في حاجه زي كده :)
hamaki:
ردحذفوعليكم السلام
شكرا يا فندم علي رايك.. :)
هي الفكرة اني كنت عاوزه اتكلم فيها عن حاجات بتحصل دلوقتي في مصر او نقض ليها بس في شكل حلقات برنامج يعني ممكن يكون فيها تريقة ... تعجب .. استنكار ... وفي نفس الوقت المذيعة دي عايشه في عالم تاني وتقريبا متعرفش حاجه عن اي حاجه "في البطاطس يعني ":D
"تفاؤل"
ومن خلال رأيها علي اي موضوع هيكون ده اللي المفروض يبقي موجود .. والضيف هو اللي بيقول الحقيقة ....
سلام
msh :
ردحذفسلام عليكم
ان شاء الله لما اكتبها ..:)
في وقت الفراغ اللي اكيد مش هيكون موجود ... :D
شكرا يا بشمهندس علي المتابعة ....
سلام