حسبي الله لا اله الا هو عليه توكلت وهو رب العرش العظيم .. لا اله الا انت سبحانك اني كنت من الظالمين .. استغفر الله العظيم من كل ذنب عظيم .. سبحان الله .. الحمدالله .. لا اله الا الله .. الله اكبر .. سبحان الله وبحمده سبحان الله العظيم .. رضيت بالله رباً وبالإسلام دينا وبسيدنا محمد صلي الله عليه وسلم نبيا ورسولا .. اللهم اني اعوذ بك أن أشرك بك شيء أعلمه وأستغفرك لما لا أعلمه .. اعوذ بكلمات الله التامات من شر ما خلق .. بسم الله الذي لا يضر مع اسمه شيء في الأرض ولا في السماء وهو السميع العليم ..

الأربعاء، نوفمبر 25، 2009

احلي يوم نحر ان شاء الله ^_^

التسميات:


اول مرة احس ان عيد الاضحي جه فجأه كده مش زي كل سنه ببقي مستنيه العيد
يمكن عشان بقينا مشغولين اكتر السنه دي في الكليه مش زي قبل كده
وحتي ال 10 ايام دول مش عارفين يدونا فيهم ايه نبدأ في مشروع البرولوج
ولا الاسمبلي ولا السيستم..... :huh: ده غير كمان الواجبات بجد انا بقيت بحس اننا عاملين زي ابتدائي
كان المدرسين يدونا واجب زياده لما يكون في اجازة زي كده .. حتي الاجازة فيها واجب
يلا ربنا معانا



عجبني الخروف اللعبه اللي في الصورة اللي فوق دمه خفيف ^_^
المهم اني مبسوطه قوي ان العيد خلاص يوم الجمعه اكيد العيد ده بيكون ليه طعم تاني
خصوصا انه في موسم الحج :heart:
بيبقي يوم جامد بطلع اتفرج علي بابا وهو بيدبح من بعيد لبعيد مش جبن ولا حاجه
انا مبحبش شغل المياصه ده بتاع البنات اللي تقول مقدرش اشوف الحجات دي والكلام ده :grr:
بس عشان مفيش حاجه كده ولا كده تيجي عليا :biggrin:
ده العيد ميبقاش عيد الا لما اتفرج علي الاضحيه وهي بتدبح مع انها بتبقي صعبانه عليا
بنجيبها قبلها بفترة كده تلاقيها بسبع ارواح وتجري ومنعرفش نمسكها وتيجي في اليوم ده
زي ما تكون عارفه مصيرها .. واقفه كده ومستنيه :(..سبحان الله
بجد بيبقي يوم جامد بغض النظر عن اني بتدبس احيانا في تنضيف حجات كده مش تمام :cry:
مش هقولكم عليها عشان سهل تخمنوها يعني ..
المهم اني لسه باخد عديه ^_^
ربنا يوصل كل الحجاج سالمين لاهاليهم ويحفظهم من اي شر
واتمني لكل الحجاج حج مبرور وذنب مغفور وان يتقبل الله لهم حجهم
ويسهل عليهم الحج السنه دي ويرجعك لينا يا منمن انتي وعمو بالف سلامه
وعقبالنا يارب...
ويارب يكون احلي عيد علي الامه الاسلاميه
كل سنه وانتم طيبين (f)
في 1:54 ص
مرسلة بواسطة Hanaa Sayed

هناك 10 تعليقات:

  1. Asmaa25 نوفمبر 2009 في 8:12 ص

    ايوة اهم حاجة ان ربنا يوصل الحجاج سالمين من كل شر و يحميهم :(

    ويرجع منمن وعمو وبألف سلامة ^_^

    بس على فكرة بقى انا من البنات المايصة اللى مش بيقدروا يشوفوا الحاجات دى .. تخيلى ؟ :D
    بس الموضوع ليه ابعاد نفسية معقدة مش مياصة بجد يعنى .. هابقى احكيلك بعدين بقى :D

    حلوة الصورة دى اوى .. دمها خفيف :D

    ردحذف
  2. محمد خيري25 نوفمبر 2009 في 1:19 م

    العيد فرحه .. بناخد فيه نفسنا شويه .. والواحد بيقبض فلوس .. وبناكل عمال على بطال .. وبنلعب ونضرب صواريخ .. ههههههههه ده كان زمان يعني

    والعيد الآن فرحه .. الواحد بيشوف اصحابه يوم العيد في الصلاه .. ويسلم على كل الناس بعد الخطبة .. ويبتسم في وجه الجميع والجميع يبتسم في وجهه .. والبيت بيبقى قاعد مع بعضه .. ملمومين على طبليه (سفره) واحده .. والكل بيضحك ويبتسم .. والكل يزور اصحابه ويتصل بيهم ... ويزور قرايبه ويفتكر ايام زمان ... هيييه الحمد لله

    الحمد لله رب العالمين

    كل المواد اللي بندرسها في حاسبات مش هتعرفوا قيمتها الا بعد التخرج والعمل الفعلي .. وخصوصا المواد المعقدة اللي كنا بنحس ان ملهاش فايده .. زي ال أو-إس ..الديستريبوتد سيستم .. والاسميلي .. الاورجانيزيشن .. النتوركس .. واللسته طويله قوي ..
    فنصيحه

    اصبروا .. . . واحتسبوا

    وكل عام وأنتم بخير

    ردحذف
  3. msh26 نوفمبر 2009 في 11:36 ص

    ازيك يا زهرة كل سنة وانتي طيبة
    وبعدين هي المواد اسمها متغير كدة ليه علي اللي انا اعرفها ولا انا شكلي مش في الكليةD:
    ايه الشجاعة دي كلها بتشوفي الاضحية وهي بتندبح مش خايفة تطلعلك في كابوس ولا حاجة ابقي خلي بالك.
    وكل سنة والمسلمين جميعا بخير وربنا يستر السنة دي علشان موضوع الانفلونزا ده

    ردحذف
  4. Hanaa Sayed26 نوفمبر 2009 في 3:15 م

    لا خلاص بدام ليه ابعاد نفسيه معقدة يبقي خلاص براءة :D
    وبعدين انا عارفه يا سمسم انك مش بتحبي المياصه :D

    كل سنه وانتي طيبه يا سمسمتي ^_^

    ردحذف
  5. Hanaa Sayed26 نوفمبر 2009 في 3:30 م

    محمد خيري :
    سلام عليكم
    وليه زمان ده لازم صواريخ في العيد ^_^
    اكيد يبقي احساس جامد في العيد كله بينسي اي حاجه مضيقاه .. ربنا يجعل كل ايامنا عيد ..

    حضرتك كنت في حاسبات !
    اكيد حضرتك ادري .. بس اعتقد ان مع كل المواد اللي بندرسها متجيش حاجه او تعتبر بدايه في اللي مطلوب منا عشان نشتغل..

    هنصبر اكيد ما احنا مقدمناش حل تالت :D

    كل سنه وحضرتك طيب :)

    سلام

    ردحذف
  6. Hanaa Sayed26 نوفمبر 2009 في 3:48 م

    msh :
    سلام عليكم
    الحمدالله .. وحضرتك طيب..
    قصدك علي المواد اللي كتبها بشمهندس محمد خيري ولا اللي انا كتباها !!
    " اصل مش معقول اللي انا كتباها :D "
    ما احنا ما اخدناش غير الاسمبلي والكمبيوتر اورجانزيشن منها ... اعتقد ان الاوبريتنج سيستم هناخده بس معنديش فكرة عن الباقي ..

    ابقي اخلي بالي ليه هو انا اللي دبحتها :D
    افهم من الكلام ده انه تريقه !!

    ربنا يستر ..

    وكل سنه وحضرتك طيب..

    سلام

    ردحذف
  7. عاشق الجنة من الإخوان صلى على النبى26 نوفمبر 2009 في 7:33 م

    كل عام وانتم إلي الله أقرب
    وعلي طاعته أدوم
    صلي علي النبي

    ردحذف
  8. Hanaa Sayed26 نوفمبر 2009 في 8:20 م

    عاشق الجنة:
    آمين يارب..
    كل سنه وحضرتك طيب..
    (اللهم صلي علي حبيبي محمد وعلي آله وصحبه وسلم)

    ردحذف
  9. dokdok27 نوفمبر 2009 في 11:53 ص

    سلام عليكم
    كل سنه وانتم طيبين
    ويارب كل الامه الاسلاميه تكون دايما خير
    وعيد سعيد علينا كلنا ان شاء الله
    سلام

    ردحذف
  10. Hanaa Sayed27 نوفمبر 2009 في 12:32 م

    وعليكم السلام ورحمة الله وبركاته
    وانتي طيبه ياحبي (f)
    وعليكي ياقمر.. اهم حاجه يكون ليكي دور مش تاكلي كده علي الجاهز :P
    نورتي (k)

    سلام عليكم

    ردحذف

الاشتراك في: تعليقات الرسالة (Atom)