حسبي الله لا اله الا هو عليه توكلت وهو رب العرش العظيم .. لا اله الا انت سبحانك اني كنت من الظالمين .. استغفر الله العظيم من كل ذنب عظيم .. سبحان الله .. الحمدالله .. لا اله الا الله .. الله اكبر .. سبحان الله وبحمده سبحان الله العظيم .. رضيت بالله رباً وبالإسلام دينا وبسيدنا محمد صلي الله عليه وسلم نبيا ورسولا .. اللهم اني اعوذ بك أن أشرك بك شيء أعلمه وأستغفرك لما لا أعلمه .. اعوذ بكلمات الله التامات من شر ما خلق .. بسم الله الذي لا يضر مع اسمه شيء في الأرض ولا في السماء وهو السميع العليم ..

الجمعة، ديسمبر 11، 2009

حد عنده ألعابه لغاية دلوقتي ؟؟

التسميات:


كلنا كان عندنا ألعاب واحنا صغنين ... بس حد عنده ألعابه لغاية دلوقتي او شوية منهم ؟؟
الألعاب دي ليها ذكريات حلوة قوي ^_^
ومش ممكن اديها لاي حد مهما كان ..وكفاية اللي ضاع منها :(
الألعاب دي عندي من قبل اولي ابتدائي يعني تقريبا من 14 سنه .. وكمان معظمها مش من اي مكان في الدنيا ... من مكة والمدينه المنورة
عشان كده لسه معايا ..بحب قوي الايام دي :heart:

نبدأ بأول لعبه اللي خلتني اكتب البوست ده... يمكن تفتكرو انتو كمان الايام الجميلة دي :biggrin:





تم انقاذ التليفون اليوم من معاناته فوق الدولاب 7 سنين وتم ترميمه كما هو واضح في الصورة السابقه
كنت بحب قوي التليفون ده كل رقم بيتكلم لما ادوس عليه وطبعا كنت بعمل بيه حواديت جميله ..
ماما كانت جيباهولي من مكه :heart:
بس للاسف اتكسر وكل حاجه فيه راحت في حته... وليه حكايه مأساوية ..
بس جمعته ولزقته وبقي جميل تاني.. بس طبعا مش بيتكلم :)





اللعبة دي لسه عندي بالعلبة بتعتها .. متهيألي معروفه ^_^
دي زي افلام كده لأماكن من مكه والمدينه المنورة ومكتوب عند كل صورة المكان بتعها ^_^





دي بقي لعبتي المفضلة المفروض ^_^
بجد كانت لعبه جامدة ... عشان كنت بحط فيها اكل حقيقي .. ونمثل بقي ..
اللي فاكراه اني عملت لبن بكاكاو مرة وحطيته في الكوبايات ..بس ده تقريبا كان من ورا ماما
مرة كانت بتعمل عمرة هي وبابا وسبونا في الفندق لوحدينا طبعا لازم نستغل الموقف :biggrin:
ضاع منها معلقة وشوكه وسكينه وبتاعه كده مش فاكرة اسمها ايه
العلبة بتعتها اتكسرت الحته اللي بتثبت نصها اللي فوق مع اللي تحت سعتها زعلت قوي عشان كانت لسه جديدة
وواحد صاحب بابا صلحها ربطها بسلك وعمله بالكماشه
بس وده الباقي معايا دلوقتي





اللعبة دي بقي كنت بعمل بيها حواديت جامدة ..برضه كانت من السعودية
الدولاب والكمودينو دول بيتفتحو .. تقريبا اللعبه دي مضعش منها حاجه
بس ياعيني الراجل ايديه مكسورة اختي الصغيرة " كان عندها سنتين تقريبا " كان تقريبا عندها هواية التخريب
كنت ارجع من المدرسة الاقيها رامية كل الالعاب علي الارض وطبعا لازم حاجه تكون متكسرة
ده غير كمان الحجات اللي كانت بترميها من البلوكنه والمشكلة انها كانت بتبقي مبسوطه قوي وهي بتعمل كدة :cry:
ده مكنش مع اللعب بس اي حاجه تلاقيها قدمها كانت بترميها من البلكونة
بتحب تنضف البيت اول بأول وطبعا مش بنكتشف ان حاجه اترمت الا بعد فترة ..

من اول هنا بقي من مصر







فاكرين الحجات دي ؟؟
بمناسبه الحجات اللي بجمعها دي كانت بتطلع في الشبسي زمان في منها زي puzzle
طبعا كنت اعد اجمع عشان اكمل الشكل وفي الاخر برضه مش بيكمل..:(



لعبة الدكتور دي علي اساس اني هبقي دكتورة يعني :biggrin:
واحنا صغيرين مش بنبقي فاهمين حاجه وتقريبا اكتر تعامل لاي طفل بيبقي مع مدرس او دكتور
معظم الاطفال بيشوفو ان الدكتور ده حاجه كبيرة قوي ...ده غير كلام الاهل كمان ..
يارب اشوفك دكتورة وكلام من ده ^_^...
بعد كده بنفهم بقي ونقدر نحدد وفي الاخر معظم الناس مش بتدخل الكلية اللي هي عاوزها ..
بس اكيد ربنا هيختار الاحسن ليك ... وطبعا حاسبات اجمد كلية :heart:
كنت بحب قوي لعبة الدكتورة دي ... بعمل فيها الدكتورة بقي واكتب الدوا وامضي في الاخر اسمي
ومعاها صورة زي آشعه كده .. ده غير العمليات اللي عملتها .. ولو دكتورة اسنان بقي :biggrin:
بس بجد كانت لعبة حلوة كنت بلعبها مع اخواتي :heart:



اخر لعبة دي اكيد كانت عندنا كلنا ... كان في واحده كبيرة بس مش باقي منها اي حاجه
انا اللي بوظت اللعبه دي فتحتها عشان اعرف هي بتدور ازاي وفكيت الزمبلك ومعرفتش اركبه تاني
السمك كان بيقفل بؤه بسرعه قوي عشان اكسب كنت بمسك السمكة واحط السنارة عليها :biggrin:
هيييييييييه كانت ايام حلوة :heart:

في 11:54 م
مرسلة بواسطة Hanaa Sayed

هناك 6 تعليقات:

  1. mm12 ديسمبر 2009 في 1:30 ص

    سلام عليكم.................ازيك يازهرة
    ياااااااااه ده الالعاب دي علي كدة ثروة قومية من 14 سنة بس بجد تستحق كفاية انها من مكة والمدينة
    انا مكنتش بحب الالعاب كنت غاوي شخبطة وانا صغير علي اي حاجة حتي الدواليب وجدران البيت من اول المدخل لغاية جوة البيت كمان كانت حاجة بتحسسني بالفرح بس كانت بتخنق ناس تانيين طبعا ومنهم والدي ووالددتي...
    واخواتي اتعلوا مني لما الحكاية بقت شخبطة في شخبطة ورسومات غير مفهومة اطلاقا(تحف فنيه) ووالدي اضطر يجدد الشقة بسسببنا بس استني طبعا لما كبرنا شوية علشان نظهر مواهبنا طبعا ونخلصها بس كنا عاملين معرض جامد بس يا خسارة مفضلش من المواهب د كتير الا في مددخل البيت من بره  

    ردحذف
  2. فكرة من الزمن ده13 ديسمبر 2009 في 2:02 م

    حلو اوي البوست لكن انتي لسة صغنونة احنا لعبنا كانت اتاري
    ولعبة الباسكت وحجات تانية وعرايس
    والكاميرا ام افلام مدورة لكن البوكيمون مالحقناش
    تحياتي ياقمر

    ردحذف
  3. Hanaa Sayed13 ديسمبر 2009 في 10:51 م

    mm:
    وعليكم السلام ورحمة الله وبركاته
    اكيد كان معرض جامد :D
    حضرتك فكرتني بالشخابيط بتعتي بس ده وانا كبيرة :D
    في اولي او تانية اعدادي مش فاكرة كان علينا في العلوم الرسمه بتاعه العين والاذن... كان عندنا شقه لسه علي المحارة وبالطباشير والوان كمان رسمتهم وحفظتهم لاخواتي اصلي كنت بحب العلوم بس طبعا الشقه ادهنت وراح كل ده :(
    مش فاكرة بصراحه اني كنت بشخبط علي الحيطة وانا صغيرة بس فاكرة اخواتي عشان كنت بنضف الشخابيط دي :((

    شكرا علي المتابعه :)

    ردحذف
  4. Hanaa Sayed13 ديسمبر 2009 في 11:02 م

    فكرة من الزمن ده:

    ربنا يخليكي :$
    لا مش صغنونه ولا حاجه :D
    محدش تقريبا مكنش عنده اتاري :D
    ولعبة الباسكت دي انا كنت بحبها قوي بس باظت في الاخر عشان مكنتش بتعتي لوحدي ف الطبيعي انها تبوظ يعني :D
    لكن اي حاجه بتعتي كنت لازم احافظ عليها.. مش معني كده ان حاجه مش بتعتي اني محافظش عليها بس ده مكنش بمزاجي :D

    نورتي المدونه :)

    ردحذف
  5. mm16 ديسمبر 2009 في 10:38 م

    don't forget to smile:D

    ردحذف
  6. Hanaa Sayed16 ديسمبر 2009 في 11:44 م

    Certainly .... :D

    ردحذف

الاشتراك في: تعليقات الرسالة (Atom)